ഡബ്ലിൻ: ഡബ്ലിൻ നഗരത്തിൽ വൻ ലഹരി വേട്ട. 12 കിലോയോളം വരുന്ന ഹെർബൽ കഞ്ചാവ് പിടിച്ചെടുത്തു. സംഭവത്തിൽ 30 കാരനും ഭാര്യയും കൗമാരക്കാരായ കുട്ടികളെയും അറസ്റ്റ് ചെയ്തിട്ടുണ്ട്.
ഇന്നലെ വൈകീട്ടോടെയായിരുന്നു സംഭവം. രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ലഹരി പിടിച്ചെടുത്തത്. ഗാർഡ നാഷണൽ ഡ്രഗ്സ് ആന്റ് ഓർഗനൈസ്ഡ് ക്രൈം ബ്യൂറോയും, റെവന്യൂ കസ്റ്റംസ് സർവ്വീസും, കൂൾലോക്ക് ഡിസ്ട്രിക്റ്റ് ഡ്രഗ് യൂണിറ്റും ചേർന്നായിരുന്നു പരിശോധന. പിടിച്ചെടുത്ത ലഹരിയ്ക്ക് വിപണിയിൽ 2,40,000 യൂറോ വിലവരുമെന്ന് അധികൃതർ അറിയിച്ചു. വിൽപ്പനയ്ക്ക് വേണ്ടിയാണ് ഇത്രയും കഞ്ചാവ് ഇവർ സൂക്ഷിച്ചത്.
Discussion about this post
