കൊച്ചി : സിപിഎം സംസ്ഥാന സെക്രട്ടറി എം വി ഗോവിന്ദനെതിരെ അതിരൂക്ഷ വിമര്ശനവുമായി ടി കെ ഗോവിന്ദന് എംഎല്എ. എം വി ഗോവിന്ദന് കാണിച്ചത്രയും വഞ്ചന താന് കാണിച്ചിട്ടില്ലെന്നും ആരാണ് വര്ഗവഞ്ചകനെന്നും ടി കെ ഗോവിന്ദന് ചോദിച്ചു. ടി കെ ഗോവിന്ദന് വര്ഗവഞ്ചകനെന്ന എം വി ഗോവിന്ദന്റെ പ്രസ്താവനയ്ക്കെതിരെയാണ് ടികെ ഗോവിന്ദൻ ആഞ്ഞടിച്ചത്.
‘ പാര്ട്ടിയില് ഗ്രൂപ്പുണ്ടാക്കാന് ഓടിനടന്ന ആളാണ് എം വി ഗോവിന്ദന്. പാര്ട്ടിയെ ഉപയോഗിച്ച് പണം സമ്പാദിച്ചിട്ടില്ല. പാര്ട്ടിയെ ഉപയോഗിച്ച് ബിസിനസ് നടത്തിയിട്ട് ഏതെങ്കിലും കേസ് എന്റെ പേരില്ല. ബിസിനസിനായി എകെജി സെന്റര് വരെ ഉപയോഗിച്ചത് എം വി ഗോവിന്ദന് ശ്രദ്ധിച്ചില്ലല്ലോ ‘ എന്നും ടി കെ ഗോവിന്ദന് പറഞ്ഞു.
ഒരു പ്രശ്നമുണ്ടായപ്പോള് രാഷ്ട്രീയ പ്രവര്ത്തനം മതിയാക്കി സ്കൂള് അധ്യാപക ജോലിയിലേക്ക് തിരിച്ചുപോയ ആളാണ് എം വി ഗോവിന്ദൻ. എന്നിട്ട് തന്നെയാണ് വര്ഗവഞ്ചകനെന്ന് വിളിക്കുന്നത്. വര്ഗ വഞ്ചകരെന്ന ആരോപണം നാം ഒരുപാട് കേട്ടിട്ടുണ്ട്. ഇന്ന് പാർട്ടിയുടെ തലപ്പത്തുള്ളവരാണ് വഞ്ചകരെന്നും ടി കെ ഗോവിന്ദന് പറഞ്ഞു.
