തിരുവനന്തപുരം : മഴക്കെടുതിയിൽ സംസ്ഥാനത്ത് മരിച്ചവരുടെ എണ്ണം എട്ടായി. മലപ്പുറത്ത്, മൂന്ന് വയസ്സുകാരനാണ് ഒഴുക്കിൽപ്പെട്ട് മരിച്ചത്. കൊണ്ടോട്ടിയിൽ നീരാട് അരുവിയിൽ ഒഴുകിപ്പോയ നാല് വയസ്സുള്ള കുട്ടിയും മുങ്ങിമരിച്ചു. നെടിയിരുപ്പ് മേലേപ്പറമ്പ് കണ്ണപ്പ തോടിയിലെ ഹമീദിന്റെയും നദീറയുടെയും മകൻ ആദം അയ്മാനാണ് മരിച്ചത്. കരയിലൂടെ നടക്കുന്നതിനിടെ അബദ്ധത്തിൽ അരുവിയിലേക്ക് വീഴുകയായിരുന്നു . ഉടൻ തന്നെ വെള്ളത്തിൽ നിന്ന് പുറത്തെടുത്തെങ്കിലും ജീവൻ രക്ഷിക്കാനായില്ല.
കോട്ടയത്തെ പുതുപ്പള്ളിയിൽ, വെള്ളക്കെട്ടിൽ വീണ് 11 കാരൻ മരിച്ചു. വാകത്താനം സ്വദേശിയായ മിലനാണ് അപകടത്തിൽപ്പെട്ടത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംസ്ഥാനത്തുടനീളം മഴക്കെടുതിയിൽ ഇന്ന് രാവിലെ നാല് പേർ മരിച്ചിരുന്നു. പൂഞ്ഞാർ തെക്കേക്കരയിലെ പയ്യാനിത്തോട്ടത്തിൽ, മണ്ണിടിച്ചിലിൽ വീട് തകർന്നു, 24 കാരൻ ജോസഫിൻ ജോണിയും അമ്മ റെജീനയും മരണപ്പെട്ടു.
വയനാട് പടിഞ്ഞാറത്തറയിൽ, മാഞ്ഞൂര സ്വദേശിയായ ബെന്നി വൈദ്യുതാഘാതമേറ്റ് മരിച്ചു. കണ്ണൂരിലെ പേരാവൂരിൽ കാഞ്ഞിരപ്പുഴ നദിയിൽ ഒരാൾ ഒഴുക്കിൽപ്പെട്ടു. കോട്ടച്ചുരം സ്വദേശിയായ ഹനീഫ ആണ് കാണാതായത്
