ഇടുക്കി: കട്ടപ്പന സഹകരണ ബാങ്കിന് മുൻപിൽ നിക്ഷേപകൻ ജീവനൊടുക്കിയ നിലയിൽ. കട്ടപ്പന മുളങ്ങാശ്ശേരിയിൽ സാബു(56) വിനെയാണ് ബാങ്കിനു മുന്നിൽ തൂങ്ങി മരിച്ച നിലയിൽ കണ്ടെത്തിയത്.
നിക്ഷേപക തുക ആവശ്യപ്പെട്ട് സാബു ഇന്നലെ ബാങ്കിലെത്തിയിരുന്നു. എന്നാൽ പണം തിരികെ ലഭിച്ചില്ല. ഇതിൽ മനംനൊന്താണ് ആത്മഹത്യയെന്നാണ് വിവരം.തൊടുപുഴയിലെ ആശുപത്രിയിൽ ചികിത്സയിലുള്ള ഭാര്യയുടെ ആവശ്യത്തിനായാണ് തുക തിരികെ ആവശ്യപ്പെട്ടതെന്ന് സൂചന. 25 ലക്ഷത്തോളം രൂപയാണ് നിക്ഷേപിച്ചിരുന്നത്.
ബാങ്ക് പ്രതിസന്ധിയിലായിരുന്നതിനാൽ മാസംതോറും നിശ്ചിത തുക നൽകാമെന്ന് അറിയിച്ചിരുന്നു. ഇതനുസരിച്ച് തുക നൽകിയിരുന്നു. എന്നാൽ, ഇന്നലെ ഭാര്യയുടെ ചികിത്സാര്‍ത്ഥം കൂടുതൽ തുക ആവശ്യപ്പെട്ട് ഇന്നലെ ബാങ്കിലെത്തിയിരുന്നു. തുടര്‍ന്ന് ജീവനക്കാരുമായി തര്‍ക്കമുണ്ടായിരുന്നു. സംഭവത്തിൽ ബാങ്കിന് മുന്നിൽ വിവിധ രാഷ്ട്രീയ പാർട്ടികൾ പ്രതിഷേധം നടത്തി.
