പുതുച്ചേരി ; അഞ്ചാം തവണയും പുതുച്ചേരി മുഖ്യമന്ത്രിയായി എന് രംഗസാമി സത്യപ്രതിജ്ഞ ചെയ്തു. ലോക് നിവാസില് നടന്ന ചടങ്ങില് ലെഫ്റ്റനന്റ് ഗവര്ണര് കെ കൈലാസനാഥന് സത്യവാചകം ചൊല്ലിക്കൊടുത്തു. മുഖ്യമന്ത്രിക്കൊപ്പം ആറ് മന്ത്രിമാരും സത്യപ്രതിജ്ഞ ചെയ്തു . ബിജെപി എംഎൽഎ എ. നമശിവായം, എഐഎൻആർസി എംഎൽഎ മല്ലാടി കൃഷ്ണറാവു എന്നിവരും മന്ത്രിമാരായി സത്യപ്രതിജ്ഞ ചെയ്തവരിൽ ഉൾപ്പെടുന്നു.
പുതുച്ചേരിയിൽ എൻഡിഎ സഖ്യത്തിന്റെ ഓൾ ഇന്ത്യ എൻ.ആർ. കോൺഗ്രസിന് 12 എംഎൽഎമാർ, ബിജെപിയ്ക്ക് 4 , എഐഎഡിഎംകെയ്ക്ക് 1 , ലക്ഷ്യ ജനനായക കക്ഷിയ്ക്ക് 1 എന്നിങ്ങനെയാണ് അംഗസംഖ്യ. സത്യപ്രതിജ്ഞാ ചടങ്ങിൽ ബിജെപി ദേശീയ അധ്യക്ഷൻ നിതിൻ നബിൻ, ദേശീയ സെക്രട്ടറി ബി.എൽ. സന്തോഷ്, പുതുച്ചേരി ബിജെപി ഇൻചാർജ് നിർമ്മൽ കുമാർ സുരാന, ബിജെപി സംസ്ഥാന അധ്യക്ഷൻ വി.പി. രാമലിംഗം തുടങ്ങിയ നേതാക്കൾ പങ്കെടുത്തു.
Discussion about this post
