അനധികൃത മാലിന്യനിക്ഷേപം, ജലമലിനീകരണം, ശബ്ദം, ദുർഗന്ധം എന്നിവ കാരണം പൊതുജനങ്ങൾ കഴിഞ്ഞ വർഷം നൽകിയത് 76,500 പരാതികൾ . ഇതിനെ തുടർന്ന് പരിസ്ഥിതി കുറ്റകൃത്യങ്ങൾക്കെതിരെ കർശന നടപടിയെടുക്കാൻ തദ്ദേശ സ്വയംഭരണ സ്ഥാപനങ്ങളോട് ആവശ്യപ്പെട്ടിരിക്കുകയാണ് പരിസ്ഥിതി സംരക്ഷണ ഏജൻസി .
മുന്നറിയിപ്പുകളും ഉത്തരവുകളും പോലുള്ള 18,000-ത്തിലധികം എൻഫോഴ്സ്മെന്റ് നടപടികൾ മാത്രമാണ് പാലിച്ചത്. 414 കേസുകളിൽ പ്രോസിക്യൂഷനും നടത്തി.കൂടുതൽ നിയന്ത്രണങ്ങൾ കൂടുതൽ ശക്തമായി പ്രയോഗിക്കണമെന്നാണ് പരിസ്ഥിതി സംരക്ഷണ ഏജൻസിയുടെ നിലപാട്.
“മലിനീകരണം കണ്ടെത്തുന്നതിനും നിയമങ്ങൾ ലംഘിക്കുന്നവരെ ഉത്തരവാദികളാക്കുന്നതിനും പരിസ്ഥിതി നിയമങ്ങൾ ശക്തമായി നടപ്പിലാക്കേണ്ടത് അത്യാവശ്യമാണ് . നമ്മുടെ പരിസ്ഥിതി സംരക്ഷിക്കുന്നതിൽ തദ്ദേശ സ്വയംഭരണ സ്ഥാപനങ്ങൾ നിർണായക പങ്ക് വഹിക്കുന്നു. “ ,” ഇപിഎ എൻഫോഴ്സ്മെന്റ് ഡയറക്ടർ ഡോ. ടോം റയാൻ പറഞ്ഞു.
വളവും കൃഷിയിടത്തിലെ മലിനജലവും സമീപത്തെ ജലപാതകളിലേക്ക് ഒഴുകുന്നില്ലെന്ന് ഉറപ്പാക്കാൻ ഫാം പരിശോധനകൾ നടത്താൻ തദ്ദേശ സ്ഥാപനങ്ങൾ ബാധ്യസ്ഥരാണ്. എന്നാൽ കഴിഞ്ഞ വർഷം 4,500 ലക്ഷ്യമിട്ടപ്പോൾ 2,598 പരിശോധനകൾ മാത്രമാണ് നടത്തിയത്.
മലിനജലം നദികളിലേക്ക് തുറന്നുവിടാൻ വാണിജ്യ സ്ഥാപനങ്ങൾക്ക് അനുവദിച്ച ഡിസ്ചാർജ് ലൈസൻസുകളുടെ നിരീക്ഷണ ചുമതലയും തദ്ദേശ സ്ഥാപനങ്ങൾക്കാണ്. ലൈസൻസ് വ്യവസ്ഥകൾ പാലിക്കുന്നുണ്ടെന്ന് ഉറപ്പാക്കാൻ അവർ കൂടുതൽ കാര്യങ്ങൾ ചെയ്യണമെന്ന് EPA പറയുന്നു.
നഗരങ്ങളിലെ മലിനജല സംവിധാനങ്ങളിലെ പിഴവ് ജലമലിനീകരണത്തിനും ഒരു ഉറവിടമാണ്. ചില തദ്ദേശ സ്വയംഭരണ സ്ഥാപനങ്ങൾ അവ മുൻകൂട്ടി പരിശോധിച്ചപ്പോൾ മറ്റുള്ളവ ഒരു പരാതിയുടെയോ സംഭവത്തിന്റെയോ അടിസ്ഥാനത്തിൽ മാത്രമേ നടപടിയെടുത്തുള്ളൂവെന്നും ഡോ. ടോം റയാൻ പറഞ്ഞു.
