തിരുവനന്തപുരം: ഫുട്ബോൾ ഇതിഹാസം മെസ്സിയെ കേരളത്തിലേക്ക് കൊണ്ടുവരാനുള്ള മുൻ സർക്കാരിന്റെ നീക്കവുമായി ബന്ധപ്പെട്ട പല ഫയലുകളും ലഭ്യമല്ലെന്ന് മന്ത്രി ഒ ജെ ജനീഷ് . പരിപാടിക്കായി സ്വകാര്യ ഇവന്റ് മാനേജ്മെന്റ് കമ്പനിയെ തിരഞ്ഞെടുത്തതുൾപ്പെടെയുള്ള കാര്യങ്ങളിൽ വ്യക്തതയില്ല. വിശദമായ അന്വേഷണം ഉടൻ ഉണ്ടാകുമെന്ന് മന്ത്രി പറഞ്ഞു. മെസ്സി വിഷയത്തിൽ നഷ്ടപ്പെട്ട തുക സർക്കാർ തിരിച്ചുപിടിക്കുമെന്ന് മുഖ്യമന്ത്രി വി ഡി സതീശൻ നേരത്തെ വ്യക്തമാക്കിയിരുന്നു.
അതേസമയം, എഎഫ്എ സ്പോൺസർ ഈടാക്കിയ നഷ്ടപരിഹാരം ഒഴിവാക്കാൻ പിണറായി സർക്കാർ നയതന്ത്ര ഇടപെടൽ തേടിയതായി തെളിവുകൾ പുറത്തുവന്നു. അർജന്റീനയിലെ ഇന്ത്യൻ അംബാസഡർക്ക് സർക്കാർ കത്ത് അയച്ചിരുന്നു . അർജന്റീനയുടെ പിന്മാറ്റം സർക്കാരിനും സാമ്പത്തിക ബുദ്ധിമുട്ടുകൾ ഉണ്ടാക്കുമെന്ന് കായിക വകുപ്പ് സെക്രട്ടറി അയച്ച കത്തിൽ പറയുന്നു.
സ്പോൺസർ ഫീസ് അടയ്ക്കുന്നതിൽ കാലതാമസം വരുത്തിയതിന് എ.എഫ്.എ ഈടാക്കുന്ന നഷ്ടപരിഹാരം ഒഴിവാക്കണമെന്നും അംബാസഡർ ഉടൻ ഇടപെടണമെന്നും കത്തിൽ പറയുന്നു. സംസ്ഥാനത്തിന്റെ സാമ്പത്തിക താൽപ്പര്യങ്ങൾ സംരക്ഷിക്കണമെന്നും കത്തിൽ പറയുന്നു. 2025 ജൂലൈ 7 നാണ് കത്ത് അയച്ചത്. സർക്കാരിന്റെ പ്രശസ്തിയെ ബാധിക്കുമെന്നും ധനസമാഹരണം പ്രതിസന്ധിയിലാകുമെന്നും കത്തിൽ പറയുന്നു.
