ലക്നൗ : ഉത്തർപ്രദേശിലെ സാംബാലിൽ നടന്ന അക്രമത്തിന്റെ മുഖ്യസൂത്രധാരനും, കൊടും ക്രിമിനലുമായ ഷാരിഖ് സാത്തയുടെ സ്വത്തുക്കൾ കണ്ടുകെട്ടാൻ യോഗി സർക്കാർ. ഷാരിഖിന്റെ ദീപ സരായിയിലെ വീടിന് കോടതി അറ്റാച്ച്മെന്റ് വാറണ്ട് പുറപ്പെടുവിച്ചു. സ്വത്തുക്കൾ കണ്ടുകെട്ടാനുള്ള ഒരുക്കങ്ങൾ പോലീസ് പൂർത്തിയാക്കിയതായാണ് സൂചന.
ഷാരിഖ് വളരെക്കാലമായി ഒളിവിലാണെന്നും കോടതി ആവർത്തിച്ച് മുന്നറിയിപ്പ് നൽകിയിട്ടും കീഴടങ്ങാൻ തയ്യാറായിട്ടില്ലെന്നും എഎസ്പി കുൽദീപ് സിംഗ് പറഞ്ഞു. മജിസ്ട്രേറ്റിന്റെ നേതൃത്വത്തിലുള്ള ഒരു സംഘം രൂപീകരിക്കണമെന്ന് ആവശ്യപ്പെട്ട് പോലീസ് ഇപ്പോൾ സബ് ഡിവിഷണൽ മജിസ്ട്രേറ്റിന് (എസ്ഡിഎം) കത്തെഴുതിയിട്ടുണ്ട്. അതിനുശേഷം ജപ്തി നടപടികൾക്കുള്ള തീയതി ഉടൻ നിശ്ചയിക്കും.
2024-ലെ സാംബാൽ അക്രമം മുതൽ ഷാരിഖ് സാത്ത എസ്ഐടിയുടെ നിരീക്ഷണത്തിലാണെന്ന് പോലീസ് രേഖകൾ സൂചിപ്പിക്കുന്നു. 2020-ൽ തന്നെ വ്യാജ പാസ്പോർട്ട് ഉപയോഗിച്ച് അദ്ദേഹം ദുബായിലേക്ക് കടന്നതായി കരുതപ്പെടുന്നു. കൊടും കുറ്റവാളിയായ ഷാരിഖ് എല്ലാ വർഷവും 300-ഓളം വാഹനങ്ങൾ മോഷ്ടിച്ചിരുന്നതായി പൊലീസ് പറയുന്നു.
