ഡബ്ലിൻ: അയർലന്റിൽ ചൂട് കൂടിയ കാലാവസ്ഥ തുടരുന്നു. ഇന്ന് താപനില 20 ഡിഗ്രിവരെ രേഖപ്പെടുത്താമെന്ന് മെറ്റ് ഐറാൻ അറിയിച്ചു. നാളെ 21 ഡിഗ്രിവരെ പകൽസമയങ്ങളിൽ താപനില ഉയരാം. അതേസമയം പടിഞ്ഞാറൻ, വടക്ക് പടിഞ്ഞാറൻ മേഖലകളിൽ ഒറ്റപ്പെട്ട നേരിയ മഴയ്ക്ക് സാദ്ധ്യതയുണ്ടെന്നും മെറ്റ് ഐറാൻ അറിയിച്ചു.
ഇന്ന് പലയിടങ്ങളിലും 16 മുതൽ 20 ഡിഗ്രി സെൽഷ്യസ് വരെ താപനില ഉയരും. ചൂട് കൂടിയ അന്തരീക്ഷം ആയതിനാൽ പുറത്തിറങ്ങുമ്പോൾ ജാഗ്രത പാലിക്കണം. തീരമേഖലകളിൽ തണുത്ത കാറ്റിന് സാദ്ധ്യതയുണ്ട്. രാത്രി കാലങ്ങളിൽ താപനില 2 മുതൽ 9 ഡിഗ്രിവരെ താഴാം.
നാളെയും ചൂടുള്ള കാലാവസ്ഥ അയർലന്റിൽ അനുഭവപ്പെടും. എന്നാൽ ഞായറാഴ്ച മുതൽ വീണ്ടും മഴ സജീവമാകാനാണ് സാദ്ധ്യത.
Discussion about this post
