ഡബ്ലിൻ: അയർലന്റിൽ ചൂട് വർദ്ധിക്കുന്നു. ഇന്ന് അന്തരീക്ഷ താപനില 24 ഡിഗ്രിവരെ ഉയരാൻ സാദ്ധ്യതയുണ്ടെന്നാണ് മെറ്റ് ഐറാൻ വ്യക്തമാക്കുന്നത്. ഈ ആഴ്ചയിലെ തന്നെ ഏറ്റവും ചൂട് കൂടിയ ദിനമാകാം ഇന്ന് എന്നും മെറ്റ് ഐറാൻ സൂചിപ്പിക്കുന്നു.
രാജ്യത്തിന്റെ ഭൂരിഭാഗം ഇടങ്ങളിലും ശക്തമായ വെയിൽ ആണ് അനുഭവപ്പെടുക. അതേസമയം വൈകുന്നേരങ്ങളിൽ തെക്കൻ, പടിഞ്ഞാറൻ മേഖലകളിൽ മഴയും ലഭിക്കും. ഇടിമിന്നലിനും സാദ്ധ്യതയുണ്ട്.
രാജ്യത്ത് വീണ്ടും ഉയർന്ന മർദ്ദം രൂപപ്പെടാൻ സാദ്ധ്യതയുണ്ട്. അതുകൊണ്ട് തന്നെ പൊതുവേ ചൂട് കൂടിയ കാലാവസ്ഥയാകും അനുഭവപ്പെടുക എന്നും മെറ്റ് ഐറാൻ വ്യക്തമാക്കി.
Discussion about this post
