ഡബ്ലിൻ: അയർലന്റിൽ ഇന്ന് ചൂട് കൂടിയ കാലാവസ്ഥ അനുഭവപ്പെടുമെന്ന് മെറ്റ് ഐറാൻ. ഇന്ന് അന്തരീക്ഷ താപനില 22 ഡിഗ്രി സെൽഷ്യസ് വരെ രേഖപ്പെടുത്തും. ഈർപ്പമുള്ള അന്തരീക്ഷം ആയിരിക്കും ഇന്ന് അനുഭവപ്പെടുക.
രാവിലെ മേഘാവൃതമായ കാലാവസ്ഥയാകും പലയിടങ്ങളിലും അനുഭവപ്പെടുക. ചിലയിടങ്ങളിൽ നേരിയ ചാറ്റൽ മഴയും ലഭിക്കും. എന്നാൽ പിന്നീട് നല്ല തെളിഞ്ഞ കാലാവസ്ഥയാകും ഉണ്ടാകുക. 17 മുതൽ 22 ഡിഗ്രി സെൽഷ്യസ് വരെയാകും ഇന്ന് താപനില ഉയരുക. സമാന കാലാവസ്ഥയാണ് നാളെയും പ്രതീക്ഷിക്കുന്നത്. നാളെ താപനില വീണ്ടും ഉയരും. 19 മുതൽ 23 ഡിഗ്രി സെൽഷ്യസ് വരെ ആയിരിക്കും നാളെ അനുഭവപ്പെടുക എന്നും മെറ്റ് ഐറാൻ അറിയിച്ചു.
Discussion about this post
