ഡബ്ലിൻ: അയർലൻഡിൽ സർക്കാർ ജോലിയ്ക്കായി അപേക്ഷിക്കുന്നവർ അഭിമുഖത്തിൽ പങ്കെടുക്കാൻ വിമുഖത കാണിക്കുന്നു. ജോലിയ്ക്കായി അപേക്ഷിക്കുന്നവരിൽ മൂന്നിൽ ഒന്ന് പേരും അഭിമുഖത്തിനോ ഓൺലൈൻ പരിശോധനയ്ക്കോ ഹാജരാകുന്നില്ലെന്നാണ് റിപ്പോർട്ട്. അപേക്ഷ പിൻവലിക്കുന്നവരും ഇക്കൂട്ടത്തിലുണ്ട്.
പബ്ലിക് ജോബ് സർവ്വീസ് ആണ് ഇത് സംബന്ധിച്ച റിപ്പോർട്ടുകൾ പുറത്തുവിട്ടത്. 2024-2025 വർഷത്തെ കണക്കുകളുടെ അടിസ്ഥാനത്തിലാണ് റിപ്പോർട്ട് തയ്യാറാക്കിയിരിക്കുന്നത്. ഈ കാലയളവിൽ ഒരു ലക്ഷത്തിലധികം അപേക്ഷകരെയാണ് റിക്രൂട്ട്മെന്റിനായി തിരഞ്ഞെടുത്തത്. എന്നാൽ ഇതിൽ 30,000 ലധികം പേർ അഭിമുഖം, ഓൺലൈൻ പരിശോധന മുതലായവയിൽ നിന്നും ഒഴിഞ്ഞുമാറി. കുറഞ്ഞ ശമ്പളം, ദീർഘമായ കാത്തിരിപ്പ് തുടങ്ങിയ ഘടകങ്ങളാണ് ഐറിഷ് ജനതയെ സർക്കാർ ജോലിയിൽ നിന്നും പിന്നോട്ട് വലിക്കുന്നത്.
Discussion about this post
