ഡബ്ലിൻ: ടാലയിൽ യുവാവിന് നേരെയുണ്ടായ ആക്രമണത്തിൽ അന്വേഷണം ആരംഭിച്ച് പോലീസ്. സംഭവത്തെക്കുറിച്ച് എന്തെങ്കിലും അറിയുന്നവർ ഉടൻ ബന്ധപ്പെടണമെന്ന് പോലീസ് അറിയിച്ചു. 40 വയസ്സുകാരന് നേരെയാണ് ആക്രമണം ഉണ്ടായത്.
ശനിയാഴ്ച വൈകീട്ടോടെയായിരുന്നു സംഭവം. പാർക്ക്ഹിൽ റോഡിൽവച്ചായിരുന്നു യുവാവിന് നേരെ ആക്രമണം ഉണ്ടായത്. യുവാക്കളുടെ സംഘമാണ് അദ്ദേഹത്തെ ആക്രമിച്ചത് എന്നാണ് പ്രാഥമിക വിവരം.
അതേസമയം സംഭവത്തിൽ നടുക്കം രേഖപ്പെടുത്തി ഡബ്ലിൻ സൗത്ത് വെസ്റ്റ് ടുഗെതറിന്റെ സംഘാടക രംഗത്ത് എത്തി. വളരെ ഭീതിയുളവാക്കുന്ന സംഭവമാണ് ഉണ്ടായിരിക്കുന്നത് എന്നായിരുന്നു ലോറ ഒറൈലിയുടെ പ്രതികരണം.
Discussion about this post
