കാരിഗ്റ്റ്വില്ലിൽ : കൗണ്ടി കോർക്കിൽ വാനിടിച്ച് സൈക്കിൾ യാത്രികന് ദാരുണാന്ത്യം. കാരിഗ്റ്റ്വില്ലിൽ എൻ 25 ൽ വൈകീട്ട് അഞ്ച് മണിയോടെയായിരുന്നു സംഭവം. മരിച്ച സൈക്കിൾ യാത്രികന് 60 വയസ്സ് പ്രായം വരും.
അദ്ദേഹത്തിന്റെ സൈക്കിൾ എതിരെ വരികയായിരുന്ന വാനുമായി കൂട്ടിയിടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ 60 കാരൻ സംഭവ സ്ഥലത്ത് തന്നെ മരിച്ചു. അപകടത്തിൽ വാൻ ഡ്രൈവർക്കും പരിക്കേറ്റിട്ടുണ്ട്. അദ്ദേഹം ആശുപത്രിയിൽ ചികിത്സ തേടി. സംഭവത്തിന് പിന്നാലെ പ്രദേശത്തെ റോഡ് അടച്ചിട്ടുണ്ട്. അപകടത്തെക്കുറിച്ച് എന്തെങ്കിലും വിവരം അറിയുന്നവർ പോലീസിനെ അറിയിക്കേണ്ടതാണ്.
Discussion about this post
