തിരുവനന്തപുരം : സിനിമ -സീരിയൽ നടൻ ദിലീപ് ശങ്കറിനെ ഹോട്ടൽ മുറിയിൽ മരിച്ച നിലയിൽ കണ്ടെത്തി. തിരുവനന്തപുരത്തെ ഹോട്ടൽ മുറിയിലാണ് താരത്തെ മരിച്ച നിലയിൽ കണ്ടത് . മൃതദേഹത്തിന് രണ്ട് ദിവസത്തെ പഴക്കമുണ്ടെന്ന് പോലീസ് പറഞ്ഞു.
നാല് ദിവസം മുൻപാണ് താരം ഹോട്ടലിൽ മുറിയെടുത്തത് . പുറത്തേക്കൊന്നും പോയിരുന്നില്ലെന്നാണ് വിവരം.മുറിയിൽ നിന്ന് ദുർഗന്ധം വന്നതിനെ തുടർന്നാണ് ഹോട്ടൽ ജീവനക്കാർ പോലീസിനെ വിവരമറിയിച്ചത്.
ഒപ്പം അഭിനയിക്കുന്നവർ ഫോണിൽ വിളിച്ചിരുന്നെങ്കിലും അദ്ദേഹത്തെ കിട്ടിയിരുന്നില്ല . ഇവരും ഹോട്ടലിൽ അന്വേഷിച്ച് എത്തിയിരുന്നു. മരണത്തിൽ അസ്വാഭാവികത ഇല്ലെന്നാണ് പൊലീസിന്റെ വിലയിരുത്തൽ. മുറിക്കുള്ളിൽ ഫൊറൻസിക് സംഘം പരിശോധന നടത്തുമെന്നും കൻ്റോൺമെൻ്റ് എസിപി അറിയിച്ചു. എന്താണ് മരണ കാരണമെന്നത് പോസ്റ്റ്‌മോർട്ടം പരിശോധനയിലേ വ്യക്തമാകൂ.
Discussion about this post
