ഇന്ത്യൻ റെയിൽവേയെ ഇന്ത്യയുടെ ലൈഫ് ലൈൻ എന്നാണ് വിളിക്കുന്നത് . രാജ്യത്തിൻ്റെ സമ്പദ്‌വ്യവസ്ഥയുടെ പ്രധാന ഭാഗമാണ് റെയിൽവേ. ഇന്ത്യയിൽ ചെറുതും വലുതുമായ ആയിരക്കണക്കിന് സ്റ്റേഷനുകളുണ്ട്. എന്നാൽ ഔദ്യോഗികമായി പേരില്ലാത്ത ഒരു റെയിൽവേ സ്റ്റേഷനെ കുറിച്ച് നിങ്ങൾക്കറിയാമോ?
പശ്ചിമ ബംഗാളിലാണ് ഈ റെയിൽവേ സ്റ്റേഷൻ സ്ഥിതി ചെയ്യുന്നത്. ബർദ്വാൻ നഗരത്തിൽ നിന്ന് 35 കിലോമീറ്റർ അകലെയാണിത് . നിരവധി ട്രെയിനുകളും ഗുഡ്സ് ട്രെയിനുകളും ഈ റെയിൽവേ സ്റ്റേഷനിലൂടെ കടന്നുപോകുന്നു. എന്നാൽ നാളിതുവരെ ഈ സ്റ്റേഷന് പേരൊന്നും കണ്ടെത്താൻ സാധിച്ചിട്ടില്ല. 2008 മുതൽ ഈ റെയിൽവേ സ്റ്റേഷൻ പേരില്ലാതെ പ്രവർത്തിക്കുന്നു. ഈ റെയിൽവേ സ്റ്റേഷനിൽ നിന്ന് നിരവധി യാത്രക്കാർ ട്രെയിനിൽ കയറുകയും ഇറങ്ങുകയും ചെയ്യുന്നുണ്ട്.
രണ്ട് ഗ്രാമങ്ങൾ തമ്മിലുള്ള പ്രദേശിക തർക്കമാണ് ഇതിന് പേരില്ലാത്തതിന് കാരണമെന്ന് പറയപ്പെടുന്നു. റെയ്‌ന, റായ്‌നഗർ ഗ്രാമങ്ങൾ തമ്മിൽ പ്രദേശിക തർക്കമുണ്ട്. 2008-ൽ ഇന്ത്യൻ റെയിൽവേ ഈ സ്റ്റേഷൻ നിർമ്മിച്ചപ്പോൾ, ഇതിന് “റെയ്‌നഗർ” എന്ന് പേരിട്ടിരുന്നു, എന്നാൽ പ്രദേശവാസികൾ ഈ പേരിനെ എതിർക്കുകയും റെയിൽവേ ബോർഡിനോട് ഇത് മാറ്റണമെന്ന് ആവശ്യപ്പെടുകയും ചെയ്തു. വിഷയം കോടതിയിലെത്തുകയും അന്നുമുതൽ സ്റ്റേഷൻ പേരില്ലാതെ പ്രവർത്തിക്കാൻ തുടങ്ങുകയും ചെയ്തു.എന്നാൽ ഇവിടെ വിൽക്കുന്ന ടിക്കറ്റുകളിൽ ഇപ്പോഴും സ്റ്റേഷന്റെ പഴയ പേര് “റെയ്‌നഗർ” എന്നാണ് എഴുതിയിരിക്കുന്നത്.
സ്റ്റേഷൻ്റെ ഇരുവശത്തുമുള്ള ശൂന്യമായ മഞ്ഞ സൈൻബോർഡുകൾ ഈ വിവാദത്തിൻ്റെ കഥ പറയുന്നു. ഇവിടെ ആദ്യമായി ഇറങ്ങുന്ന യാത്രക്കാർ പലപ്പോഴും ആശയക്കുഴപ്പത്തിലാകുന്നു. സമീപത്തുള്ളവരോട് ചോദിച്ചാലേ അവർ എവിടെ എത്തിയെന്ന് അറിയാനാകൂ.ബങ്കുര-മസാഗ്രാം പാസഞ്ചർ ട്രെയിൻ മാത്രമാണ് ഈ സ്റ്റേഷനിൽ സ്റ്റോപ്പുള്ളത്, അതും ഒരു ദിവസം ആറ് തവണ.
