നടൻ വിജയുടെ അവസാന ചിത്രത്തിന്റെ ടൈറ്റിൽ പോസ്റ്റർ പുറത്തിറങ്ങി. ആരാധകർ ഏറെ പ്രതീക്ഷയോടെ കാത്തിരിക്കുന്ന ദളപതി 69 എന്ന ചിത്രത്തിന് ‘ ജനനായകൻ ‘ എന്നാണ് പേരിട്ടിരിക്കുന്നത്. ചിത്രം എച്ച് വിനോദ് ആണ് സംവിധാനം ചെയ്യുന്നത്. വാഹനത്തിന് മുകളിൽ നിന്ന് വിജയ് സെൽഫി എടുക്കുന്ന ചിത്രമാണ് പോസ്റ്ററായി പുറത്ത് വന്നിരിക്കുന്നത് .പിന്നിൽ വലിയ ജനക്കൂട്ടത്തെയും കാണാം.
ചിത്രത്തിന്റെ സംഗീതം അനിരുദ്ധ് ആണ്. കെവിഎൻ പ്രൊഡക്ഷൻസാണ് ചിത്രം നിർമ്മിച്ചിരിക്കുന്നത്. ‘ ഇത്രയും വർഷങ്ങളായി ഞങ്ങളെ രസിപ്പിച്ചതിന് നന്ദി, തലൈവ‘ എന്നാണ് പലരുടെയും കമന്റുകൾ.പൂജ ഹെഗ്‌ഡെ, ബോബി ഡിയോൾ, ഗൗതം വാസുദേവ് മേനോൻ, പ്രകാശ് രാജ്, നരേൻ, പ്രിയാമണി, മമിത ബൈജു, മോണിഷ ബ്ലെസി, വരലക്ഷ്മി ശരത്കുമാർ എന്നിവരും ചിത്രത്തിൽ അഭിനയിക്കുന്നു.
തമിഴക വെട്രി കഴകം എന്ന പുതിയ രാഷ്ട്രീയ പാർട്ടിയുമായി 2026 ലെ തമിഴ്‌നാട് തിരഞ്ഞെടുപ്പിൽ മത്സരിക്കുമെന്ന് വിജയ് അടുത്തിടെ പ്രഖ്യാപിച്ചിരുന്നു
