തിരുവനന്തപുരം: മുൻ മന്ത്രി വീണ ജോർജിനു നേരെ നടന്നതായി പറയപ്പെടുന്ന ആക്രമണത്തെക്കുറിച്ച് തന്റേതായി രേഖപ്പെടുത്തിയ മൊഴി വ്യാജമാണെന്നും താൻ അങ്ങനെയൊന്നും പറഞ്ഞിട്ടില്ലെന്നും വനിതാ സബ് ഇൻസ്‌പെക്ടർ . കണ്ണൂർ ടൗൺ പോലീസ് സ്റ്റേഷനിലെ മുൻ സബ് ഇൻസ്‌പെക്ടറായ ദീപ്തിയാണ് ഇക്കാര്യം അന്വേഷണ സംഘത്തെ അറിയിച്ചത്.
കെ.എസ്.യു പ്രതിഷേധത്തിനിടെ മന്ത്രി അടിയേറ്റ് തെറിച്ചു വീണൂ എന്ന് താൻ പറഞ്ഞിട്ടില്ലെന്ന് ദീപ്തി അന്വേഷണ സംഘത്തോട് വ്യക്തമാക്കി. മുൻപ് അന്വേഷണം നടത്തിയ സംഘം തന്റേതായി ഇത്തരമൊരു മൊഴി വ്യാജമായി രേഖപ്പെടുത്തുകയായിരുന്നുവെന്ന് അവർ ആരോപിച്ചു. യഥാർത്ഥത്തിൽ, മുൻ അന്വേഷണ സംഘം തന്റെ മൊഴി രേഖപ്പെടുത്തിയിട്ടേയില്ലെന്നും അവർ പറഞ്ഞു. റെയിൽവേ സ്റ്റേഷനിൽ മന്ത്രിയുടെ സുരക്ഷാ ചുമതല ദീപ്തിക്കായിരുന്നു.
കണ്ണൂർ റെയിൽവേ സ്റ്റേഷനിൽ വെച്ച് യൂത്ത് കോൺഗ്രസ് പ്രതിഷേധത്തിനിടെ വീണ ജോർജിനു നേരെ നടന്നതായി ആരോപിക്കപ്പെടുന്ന ആക്രമണവുമായി ബന്ധപ്പെട്ടതാണ് കേസ്. കേസിൽ പുനരന്വേഷണം നടത്തുന്ന പ്രത്യേക അന്വേഷണ സംഘം, കഴിഞ്ഞ ദിവസം വീണ ജോർജിന്റെ മൊഴി രേഖപ്പെടുത്തി. കെ.എ.പി നാലാം ബറ്റാലിയൻ കമാൻഡന്റ് യു. പ്രേമന്റെ നേതൃത്വത്തിലുള്ള സംഘം, വീണയുടെ വസതിയിലെത്തിയാണ് മൊഴി എടുത്തത്. ഇനി സാക്ഷികളിൽ നിന്നും മറ്റുള്ളവരിൽ നിന്നും സംഘം മൊഴിയെടുക്കും.
2026 ഫെബ്രുവരി 25-ന് കണ്ണൂർ റെയിൽവേ സ്റ്റേഷനിൽ വെച്ച് കെ.എസ്.യു പ്രവർത്തകർ വീണ ജോർജിനെതിരെ കരിങ്കൊടി പ്രതിഷേധം നടത്തിയിരുന്നു. പ്രതിഷേധത്തിനിടെ മന്ത്രിക്ക് പരിക്കേറ്റതിനെത്തുടർന്ന്, വധശ്രമം ഉൾപ്പെടെയുള്ള കുറ്റങ്ങൾ ചുമത്തി റെയിൽവേ പോലീസ് കേസെടുത്തിരുന്നു.
