ഡബ്ലിൻ: അയർലൻഡിൽ തൊഴിലവസരങ്ങൾ കുറഞ്ഞു. ഈ വർഷം മൂന്നാം പാദത്തിൽ വാർഷികാടിസ്ഥാനത്തിൽ 4.8 ശതമാനത്തിന്റെ കുറവാണ് അവസരങ്ങളിൽ ഉണ്ടായിരിക്കുന്നത്. റിക്രൂട്ട്‌മെന്റ് സ്ഥാപനമായ മോർഗൻ മക്കിൻലിയുടെ ഏറ്റവും പുതിയ പഠനത്തിലാണ് ഗവേഷണം. അതേസമയം മുൻപാദവുമായി താരതമ്യം ചെയ്യുമ്പോൾ ഈ പാദത്തിൽ ഒഴിവുകളിൽ 0.2 ശതമാനത്തിന്റെ നേരിയ വർധനവുണ്ട്.
തൊഴിലന്വേഷകരുടെ രജിസ്‌ട്രേഷനുകൾ കുത്തനെ ഉയർന്നു. ഈ പാദത്തിൽ 14 ശതമാനത്തിന്റെ വർധനവാണ് ഉണ്ടായിരിക്കുന്നത്. ഇത് വാർഷികാടിസ്ഥാനത്തിൽ 51 ശതമാനം ആണ്. ഇതിൽ നിലവിൽ ഒരിടത്ത് ജോലിയുള്ളവരും ഉൾപ്പെടുന്നു. മറ്റ് അവസരങ്ങൾക്ക് വേണ്ടിയാണ് ഇവരുടെ രജിസ്‌ട്രേഷൻ. തൊഴിൽ വിപണി തൊഴിലുടമകൾക്ക് കൂടുതൽ അനുകൂലമായി മാറിയിരിക്കുന്നുവെന്ന് പ്രധാന കണക്കുകൾ സൂചിപ്പിക്കുന്നു
Discussion about this post
