കൊച്ചി : ടി പി കൊലക്കേസ് പ്രതി കൊടി സുനിയ്ക്ക് പരോൾ അനുവദിച്ചതിനെ ന്യായീകരിച്ച് സിപിഎം സംസ്ഥാന സെക്രട്ടറി എം വി ഗോവിന്ദൻ . പരോൾ തടവുകാരന്റെ അവകാശമാണെന്നും ഗോവിന്ദൻ പറഞ്ഞു.ആർക്കെങ്കിലും പരോൾ നൽകുന്നതിൽ സിപിഎം ഇടപെടാറില്ല. പരോള്‍ നല്‍കുന്നത് അപരാധമെന്നോ അപരാധമല്ലെന്നോ താന്‍ പറയുന്നില്ല .
കൊലക്കേസ് പ്രതിയുടെ ഗൃഹപ്രവേശന ചടങ്ങിൽ സിപിഎം നേതാക്കൾ പങ്കെടുത്തതിനെയും ഗോവിന്ദൻ ന്യായീകരിച്ചു . നേതാക്കൾ പോയത് മര്യാദയുടെ ഭാഗമാണെന്ന് എം.വി.ഗോവിന്ദന്‍ പറഞ്ഞു. കൊലക്കേസ് പ്രതിയുടെ ഗൃഹപ്രവേശത്തില്‍ പങ്കെടുക്കുന്നത് മഹാപരാധമാണോ എന്നായിരുന്നു ചോദ്യം. പാര്‍ട്ടി തള്ളിപ്പറഞ്ഞവരുടെ പരിപാടികളിലും നേതാക്കള്‍ പങ്കെടുക്കാറുണ്ടെന്നും അദ്ദേഹം പറഞ്ഞു.
Discussion about this post
