വർക്കല: തിരുവനന്തപുരത്തെ കിളിമാനൂരിൽ നടത്താൻ റാപ്പർ വേടരെ പരിപാടി റദ്ദാക്കിയതിനു പിന്നാലെ രോഷാകുലരായി ജനങ്ങൾ . കിളിമാനൂരിൽ റാപ്പർ വേടന്റെ സംഗീത പരിപാടിക്കിടെ ടെക്നീഷ്യൻ വൈദ്യുതാഘാതമേറ്റ് മരിച്ചിരുന്നു. തുടർന്നാണ് പരിപാടി റദ്ദാക്കിയത് .
‘ ഇത്തരമൊരു സാഹചര്യത്തിൽ, നിങ്ങളുടെ മുന്നിൽ പാടാൻ എനിക്ക് മാനസികമായി ബുദ്ധിമുട്ടാണ്. സംഘാടകരോടും ബന്ധപ്പെട്ട അധികാരികളോടും ഞാൻ ഇതിനെക്കുറിച്ച് സംസാരിച്ചിട്ടുണ്ട്. വളരെക്കാലമായി എന്നെ കാണാനും കേൾക്കാനും കാത്തിരിക്കുന്ന ആളുകളുടെ മുന്നിൽ ഇത് പറയാൻ ഞാൻ ആഗ്രഹിച്ചു. ജനക്കൂട്ടവും സുരക്ഷാ സംവിധാനങ്ങളുടെ അഭാവവും കാരണം എനിക്ക് നേരിട്ട് നിങ്ങളുടെ മുന്നിൽ വന്ന് ഇത് പറയാൻ കഴിയാത്ത സാഹചര്യത്തിലാണ് ഞാൻ. എന്റെ പ്രിയപ്പെട്ടവരേ, നിങ്ങൾ ഇത് മനസ്സിലാക്കുകയും സംയമനം പാലിക്കുകയും ചെയ്യുമെന്ന് ഞാൻ വിശ്വസിക്കുന്നു ‘ എന്നാണ് വേടൻ പറഞ്ഞത്.
എന്നാൽ പ്രകോപിതരായ, യുവാക്കൾ ഉൾപ്പെടുന്ന ജനക്കൂട്ടം സംഘാടകർക്കെതിരെയും പോലീസിനെതിരെയും പോലും ചെളിവാരി എറിയാൻ തുടങ്ങി. അവരെ സമാധാനിപ്പിക്കാനുള്ള എല്ലാ ശ്രമങ്ങളും പാഴായി .ഒടുവിൽ പോലീസ് ഉദ്യോഗസ്ഥർ വേദിയിൽ കയറി, മുന്നറിയിപ്പ് നൽകി. പക്ഷേ ആളുകൾ അത് കാര്യമാക്കിയില്ല. അവർ ബഹളം തുടർന്നു. ചിലർ റാപ്പറോട് ഈ വേദിയിൽ ഒരിക്കലും പരിപാടി അവതരിപ്പിക്കരുതെന്നും ആവശ്യപ്പെട്ടു.
