കൊൽക്കത്ത : ഈ വർഷത്തെ ദുർഗാ പൂജയോടനുബന്ധിച്ച് സംസ്ഥാനത്ത് മദ്യം നിരോധിക്കുമെന്ന് ബംഗാൾ മുഖ്യമന്ത്രി സുവേന്ദു അധികാരി . മഹാ അഷ്ടമി ദിനത്തിലാണ് മദ്യ വിൽപ്പന നിരോധിക്കുന്നത് . നിമജ്ജന ഘോഷയാത്രകളിൽ ഡിജെ സംഗീതവും ഉപയോഗിക്കുന്നത് പൂർണ്ണമായും നിരോധിക്കും.
“മഹാ അഷ്ടമി ദിനത്തിൽ, ഈ സംസ്ഥാനത്ത് ദേവിക്ക് പുഷ്പാർച്ചന നടത്തുമ്പോൾ, ബാറുകൾ ഉൾപ്പെടെ എല്ലാ മദ്യശാലകളും അടച്ചിടും. അഷ്ടമി ദിനത്തിൽ മദ്യം വിൽക്കാൻ കഴിയില്ല,” സുവേന്ദു അധികാരി പറഞ്ഞു.
ബിജെപിയുടെ നേതൃത്വത്തിലുള്ള ബംഗാൾ സർക്കാർ പൂജാ കമ്മിറ്റികൾക്ക് ഒരു ലക്ഷം രൂപ ഗ്രാന്റും സൗജന്യ വൈദ്യുതിയും നിർബന്ധിത അഗ്നി സുരക്ഷാ ലൈസൻസുകൾക്കുള്ള ഫീസിൽ ഇളവും പ്രഖ്യാപിച്ചിട്ടുണ്ട്. എല്ലാ പൂജാ കമ്മിറ്റികളും അവരുടെ വിഗ്രഹങ്ങളും പന്തലുകളും തീമുകളും ജനങ്ങളുടെ മതപരവും സാംസ്കാരികവുമായ വികാരങ്ങളെ മാനിക്കുന്നുവെന്ന് ഉറപ്പാക്കണമെന്നും മുഖ്യമന്ത്രി അഭ്യർത്ഥിച്ചു. വിഎച്ച്പി നേരത്തെ നൽകിയ അഭ്യർത്ഥനയ്ക്ക് സമാനമാണ് പ്രഖ്യാപനം.ലക്ഷ്മി പൂജയ്ക്ക് മുമ്പ് വിഗ്രഹങ്ങളുടെ നിമജ്ജനം പൂർത്തിയാക്കാനും പൂജ കമ്മിറ്റികളോട് അദ്ദേഹം ആവശ്യപ്പെട്ടു.
ദുർഗ്ഗ പൂജ കമ്മിറ്റികൾക്ക്, പ്രത്യേകിച്ച് ആഘോഷങ്ങൾ സംഘടിപ്പിക്കാൻ സാമ്പത്തിക സഹായം ആവശ്യമുള്ളവർക്ക്, ബംഗാൾ സർക്കാർ ഒരു ലക്ഷം രൂപ ഗ്രാന്റും നൽകും.ആഘോഷങ്ങൾക്ക് സർക്കാർ സൗജന്യ വൈദ്യുതി നൽകുമെന്നും സുവേന്ദു അധികാരി പറഞ്ഞു.
