ഡബ്ലിൻ: അയർലൻഡിൽ ഇന്നും നാളെയും അസ്ഥിര കാലാവസ്ഥ തുടരുമെന്ന് മെറ്റ് ഐറാൻ. ആലിപ്പഴ വീഴ്ചയ്ക്കും ഇടിമിന്നലിനും സാധ്യതയുണ്ട്. അതേസമയം കാറ്റിന്റെയും മഴയുടെയും പശ്ചാത്തലത്തിൽ വിവിധ കൗണ്ടികളിൽ ഏർപ്പെടുത്തിയ യെല്ലോ വാണിംഗ് അവസാനിച്ചു.
ഇന്ന് തണുത്ത അന്തരീക്ഷത്തോടെയായിരിക്കും ദിനം ആരംഭിക്കുക. ചെറിയ ചാറ്റൽ മഴ തുടർന്നും അനുഭവപ്പെടാം. ഉച്ചയോടെ അന്തരീക്ഷം തെളിയും. വെയിലുള്ള കാലാവസ്ഥ ഉണ്ടാകും. 8 മുതൽ 12 ഡിഗ്രി സെൽഷ്യസ് വരെ ആയിരിക്കും ഇന്ന് അന്തരീക്ഷ താപനില അനുഭവപ്പെടുക.
Discussion about this post
