ഡബ്ലിൻ: ഡൊണാഗ്മെഡിലെ തുസ്ല കേന്ദ്രത്തിൽ കൗമാരക്കാരനെ കുത്തിക്കൊലപ്പെടുത്തി. ഇന്നലെ രാവിലെയോടെയായിരുന്നു സംഭവം. കൊലപാതകവുമായി ബന്ധപ്പെട്ട് ഒരാളെ പോലീസ് അറസ്റ്റ് ചെയ്തിട്ടുണ്ട്. സംഭവത്തിൽ വിശദമായ അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
ഇന്നലെ രാവിലെ 11 മണിയോടെയായിരുന്നു കുട്ടിയ്ക്ക് നേരെ ആക്രമണം ഉണ്ടായത് എന്നാണ് റിപ്പോർട്ടുകൾ. വിവരം ലഭിച്ചയുടൻ പോലീസും അടിയന്തിര സേവനങ്ങളും സ്ഥലത്ത് എത്തുകയായിരുന്നു. എന്നാൽ അപ്പോഴേയ്ക്കും കുട്ടി മരിച്ചിരുന്നു. മറ്റ് നടപടിക്രമങ്ങൾ പൂർത്തിയാക്കി വൈകീട്ടോടെയാണ് മൃതദേഹം സ്ഥലത്ത് നിന്നും മാറ്റിയത്.
Discussion about this post
