ഡബ്ലിൻ: അയർലന്റിൽ മഴ തുടരും. ഞായറാഴ്ച വരെ രാജ്യത്ത് മഴ സജീവമായിരിക്കുമെന്നാണ് കാലാവസ്ഥ വകുപ്പിന്റെ മുന്നറിയിപ്പ്. അതേസമയം കഴിഞ്ഞ ദിവസങ്ങളിലേതിന് സമാനമായ രീതിയിലുള്ള അതിശക്തമായ മഴ ഉണ്ടായിരിക്കില്ല.
വരും ദിവസങ്ങളിൽ പകൽ സമയങ്ങളിലെ താപനില കുറയും. ഇടയ്ക്കിടെ നേരിയ മഴയോ ശക്തമായോ മഴയോ ലഭിക്കാം. ഈ മാസം അവസാനം വരെ അസ്ഥിര കാലാവസ്ഥയായിരിക്കും രാജ്യത്ത് അനുഭവപ്പെടുക.
ഇന്ന് വരണ്ട കാലാവസ്ഥയായിരിക്കും പൊതുവേ രാജ്യത്ത് അനുഭവപ്പെടുക. പടിഞ്ഞാറ് നിന്നും വടക്ക് കിഴക്ക് ഭാഗത്തേയ്ക്ക് തണുത്ത കാറ്റ് വീശാം. വൈകുന്നേങ്ങളിൽ ഈ മേഖലയിൽ ചാറ്റൽ മഴ അനുഭവപ്പെടാമെന്നും കാലാവസ്ഥാ വകുപ്പ് അറിയിച്ചു.
Discussion about this post
