പുതിയ മോർട്ട്‌ഗേജുകളുടെ പലിശ വീണ്ടും കുറഞ്ഞു; അറിയിപ്പുമായി സെൻട്രൽ ബാങ്ക്

ഡബ്ലിൻ: അയർലന്റിൽ പുതിയ മോർട്ട്‌ഗേജുകളുടെ ശരാശരി പലിശനിരക്ക് വീണ്ടും കുറഞ്ഞു. ശരാശരി പലിശ നിരക്ക് മാർച്ചുവരെയാണ് കുറഞ്ഞിട്ടുള്ളത്. ഇതോടെ ഐറിഷ് മോർട്ട്‌ഗേജ് കരാറുകളുടെ ശരാശരി പലിശനിരക്ക് ഫെബ്രുവരിയിലെ 3.79 ശതമാനത്തിൽ നിന്നും 3.77 ആയി കുറഞ്ഞതായി സെൻട്രൽ ബാങ്ക്  ഓഫ് അയർലന്റ് അറിയിച്ചു.

മാർച്ചിലെ യൂറോ ഏരിയ ശരാരരി 3.33 ശതമാനമായി മാറ്റമില്ലാതെ തുടർന്നു. മാർച്ചിൽ മോർട്ട്‌ഗേജ് കരാറുകളുടെ ആകെ അളവ് 904 മില്യൺ യൂറോ ആയി വർദ്ധിച്ചു. പ്രതിമാസ അടിസ്ഥാനത്തിൽ 125 മില്യൺ യൂറോയും, വാർഷിക അടിസ്ഥാനത്തിൽ 274 മില്യൺ യൂറോയും ആണ് വർദ്ധിച്ചത്.