ഡബ്ലിൻ: അയർലന്റിൽ ഇന്ന് വരണ്ട ചൂട് കൂടിയ കാലാവസ്ഥ അനുഭവപ്പെടുമെന്ന് മെറ്റ് ഐറാൻ. അന്തരീക്ഷ താപനില 17 ഡിഗ്രി സെൽഷ്യസ് മുതൽ 23 ഡിഗ്രി സെൽഷ്യസ് വരെ ഉയരാം. അതേസമയം ഇന്ന് നേരിയ മഴയ്ക്ക് സാദ്ധ്യതയുണ്ടെന്നും മെറ്റ് ഐറാൻ വ്യക്തമാക്കി.
വടക്ക് പടിഞ്ഞാറ് ഭാഗത്ത് ആയിരിക്കും മഴ ലഭിക്കുക. രാത്രിയോ വൈകീട്ടോ ആകും ഇവിടെ മഴയുണ്ടാകുക. രാത്രി കിഴക്കൻ മേഖലയിൽ നേരിയ മഴയ്ക്ക് സാദ്ധ്യതയുണ്ട്. നാളെ പകൽ സമയങ്ങളിലും ചൂടുള്ള കാലാവസ്ഥയായിരിക്കും അയർലന്റിൽ അനുഭവപ്പെടുക. വൈകീട്ടോടെ ശക്തമായ കാറ്റ് അനുഭവപ്പെടും. ഫ്ളോറിസ് ചുഴലിക്കാറ്റ് അടുക്കുന്നതാണ് കാറ്റുള്ള കാലാവസ്ഥയ്ക്ക് കാരണം.
Discussion about this post
