ഡബ്ലിൻ: ഡൺസ് സ്റ്റോറുകളിൽ നിന്നും റെഡി മീൽ ഭക്ഷണങ്ങൾ തിരിച്ച് വിളിച്ച് ഐറിഷ് ഭക്ഷ്യസുരക്ഷാ അതോറിറ്റി. പാക്കറ്റിലെ വിശദാംശങ്ങളിൽ പിഴവ് സംഭവിച്ച പശ്ചാത്തലത്തിലാണ് നടപടി. ഉത്പന്നം കൈവശം ഉള്ളവർ ഉപയോഗിക്കരുതെന്നും അധികൃതർ മുന്നറിയിപ്പ് നൽകി.
ചിക്കൻ അറബ്ബിയാറ്റ വിത്ത് പെന്നെ പാസ്ത എന്ന റെഡി മീൽസ് ആണ് തിരിച്ച് വിളിച്ചത്. ഇതിൽ ഉൾപ്പെട്ടിട്ടുള്ള മീനിന്റെയും ബാർലിയുടെയും വിവരങ്ങൾ ലേബലിൽ രേഖപ്പെടുത്തിയിട്ടില്ല. ഇവ രണ്ടും ചിലരിൽ അലർജിയ്ക്ക് കാരണം ആകാം. ഇതേ തുടർന്നാണ് തിരിച്ച് വിളിച്ചത്.
Discussion about this post
