തിരുവനന്തപുരം: ശബരിമല വിഷയത്തിൽ ഹൈക്കോടതിക്കെതിരേ അതിരൂക്ഷവിമർശനവുമായി ദേവസ്വം വകുപ്പ് മന്ത്രി കെ. മുരളീധരൻ. ക്ഷേത്ര വിഷയങ്ങളിൽ കോടതി അമിതമായി ഇടപെടണോ വേണ്ടയോ എന്ന് ചിന്തിക്കേണ്ട സമയമാണിതെന്ന് കെ മുരളീധരൻ പറഞ്ഞു. ഈ വിഷയം നിയമസഭയിൽ താൻ ഉന്നയിച്ചിട്ടുണ്ട് . ശബരിമലയിൽ ദേവസ്വത്തിനും സർക്കാരിനും പങ്കില്ല, അവിടെ ഏത് പുഷ്പം ഉപയോഗിക്കണമെന്ന് ഹൈക്കോടതി പറയുന്നു.
‘കോടതി എല്ലാത്തിലും ഇടപെടുന്നുവെങ്കിൽ, ഭക്തർക്ക് എന്തെങ്കിലും പങ്കുണ്ടോ? ശബരിമലയിൽ ദേവസ്വത്തിന് പങ്കില്ല, സർക്കാരിനും പങ്കില്ല. അവിടെ ഏത് പുഷ്പം ഉപയോഗിക്കണമെന്ന് ഹൈക്കോടതി തീരുമാനിക്കുന്നു. ക്ഷേത്രങ്ങളുടെ വിഷയങ്ങളിൽ കോടതി അമിതമായി ഇടപെടണോ എന്ന് ചിന്തിക്കേണ്ട സമയമാണിത്. ഞാൻ അത് നിയമസഭയിലാണ് ഉന്നയിച്ചത്. അല്ലെങ്കിൽ സംസാരിക്കുന്നവർ കോടതിയലക്ഷ്യത്തിന് വിധേയമാക്കും .
ദേവസ്വത്തിന് നൽകുന്ന ഫണ്ട് ഓഡിറ്റ് ചെയ്യാനുള്ള അധികാരം ഹൈക്കോടതിക്കുണ്ട്. എന്നാൽ, ഗുരുവായൂർ ദേവസ്വത്തിലേക്ക് കമ്മീഷനെ നിയമിക്കാനോ മറ്റു കാര്യങ്ങൾക്കോ ഒന്നും കോടതിക്ക് യഥാർത്ഥത്തിൽ അവകാശമില്ല,’ കെ മുരളീധരൻ പറഞ്ഞു.
