ആലപ്പുഴ: മുഖ്യമന്ത്രിയ്ക്കെതിരെ ആഞ്ഞടിച്ച് മുൻ സിപിഎം നേതാവ് ജി. സുധാകരൻ . യു.ഡി.എഫ് ജനറൽ ബോഡി യോഗത്തിലായിരുന്നു സുധാകരന്റെ വിമർശനം . മുഖ്യമന്ത്രി തനെ ചെറ്റ എന്ന് വിളിച്ചതിൽ താൻ അഭിമാനം കൊള്ളുന്നു. ഈ സംസ്ഥാനത്തെ ദരിദ്രരുടെ വീടുകളെ പ്രതിനിധീകരിക്കുന്ന വാക്കാണിത്. മുഖ്യമന്ത്രിയുടെ പദപ്രയോഗം തൊഴിലാളിവർഗത്തോടുള്ള നേരിട്ടുള്ള അപമാനമാണെന്നും സുധാകരൻ പറഞ്ഞു.
പതിനെട്ട് വയസ്സ് വരെ ചാണക തറയുള്ള ഒരു പുല്ല് മേഞ്ഞ ചെറ്റപ്പുരയിലാണ് താൻ താമസിച്ചിരുന്നത് . മലയാള ഭാഷയിലുള്ള മുഖ്യമന്ത്രിയുടെ അറിവിനെയും അദ്ദേഹം പരിഹസിച്ചു. നിഘണ്ടു വായിച്ചിട്ടില്ല. മുഖ്യമന്ത്രിയെ വിമർശിക്കും, പക്ഷേ ചീത്ത പറയില്ല. അതെന്റെ ഗുരുത്വമെന്നും സുധാകരൻ പറഞ്ഞു.
“മുഖ്യമന്ത്രിയെ ഞാൻ വിമർശിക്കും, പക്ഷേ അദ്ദേഹത്തെ കുറിച്ച് ഞാൻ മോശമായി സംസാരിക്കില്ല. അതാണ് എന്റെ ആദരവ്. അദ്ദേഹം എന്നെ വറ്റമത്സ്യം എന്ന് വിളിച്ചാലും, ഞാൻ ചീത്ത പറയില്ല . സുരക്ഷിതമായ ധർമ്മടം മണ്ഡലത്തിൽ നിന്ന് മുഖ്യമന്ത്രി ഒമ്പത് തവണ മത്സരിച്ചിട്ടുണ്ട്, അവിടെ ഏതൊരു സ്ഥാനാർത്ഥിക്കും വിജയം ഉറപ്പാണ് . കണ്ണൂരിൽ, “ആരു നിൽക്കുന്നുവോ അവർ വിജയിക്കും” എന്നും സുധാകരൻ പറഞ്ഞു.
കമ്മ്യൂണിസ്റ്റ് മാനിഫെസ്റ്റോ തലകീഴായി വായിച്ചതിനാലാണ് സുധാകരൻ പാർട്ടി വിട്ടതെന്ന് മുമ്പ് തമാശ പറഞ്ഞിരുന്ന സി.പി.എം. പോളിറ്റ് ബ്യൂറോ അംഗം എ. വിജയരാഘവനെതിരെയും സുധാകരൻ തന്റെ രോഷം പ്രകടിപ്പിച്ചു. അമ്പലപ്പുഴയെക്കുറിച്ച് വിജയരാഘവന് ഒന്നും അറിയില്ലെന്നും കമ്മിറ്റി യോഗങ്ങൾക്ക് മാത്രമേ പോകാറുള്ളൂവെന്നും സുധാകരൻ തിരിച്ചടിച്ചു. പ്രകടനപത്രിക “നേരെ” വായിച്ചതുകൊണ്ടാകാം വിജയരാഘവൻ അങ്ങനെ ചെയ്തതെന്നും അദ്ദേഹം കൂട്ടിച്ചേർത്തു.
പിഐ മന്ത്രി പി.പ്രസാദിന് ഗുരുത്വമില്ലെന്ന് ജി.സുധാകരൻ പറഞ്ഞു. സിപിഐയിലെ ആരും എനിക്കെതിരെ പറഞ്ഞില്ല. സംസ്ഥാന സെക്രട്ടറി ബിനോയ് വിശ്വം പറഞ്ഞില്ല. 6000 വോട്ടിനാണ് പ്രസാദ് ജയിച്ചത്. അത് അയാൾ ഓർത്തില്ല. പ്രസാദിന്റെ വിജയം തുലാസിലാണ്. പ്രസാദിനെതിരെ ഒന്നും പറയാൻ ഉദ്ദേശിച്ചതല്ല. എല്ലാം ക്ഷണിച്ചു വരുത്തുകയാണ്“ എന്നും സുധാകരൻ പറഞ്ഞു.
