പട്ന : വടക്കൻ ബംഗാളിലെ അതിർത്തി ജില്ലയായ കൂച്ച് ബെഹാറിന്റെ ജനസംഖ്യാ ഘടനയിൽ മാറ്റങ്ങൾ വരുന്നതായി സൂചന . അതിന്റെ രാഷ്ട്രീയ പ്രത്യാഘാതങ്ങൾ ഇപ്പോൾ ഏറെ ശ്രദ്ധയാകർഷിക്കുകയാണ് . കഴിഞ്ഞ മൂന്ന് പതിറ്റാണ്ടുകളിലെ ഡാറ്റ സൂക്ഷ്മമായി പരിശോധിക്കുമ്പോൾ ജില്ലയിലെ മുസ്ലീം ജനസംഖ്യയുടെ വളർച്ചാ നിരക്ക് ഹിന്ദു ജനസംഖ്യയേക്കാൾ വളരെ കൂടുതലാണെന്നാണ് കണക്കുകൾ.
1991 ൽ, ജില്ലയിലെ മൊത്തം ജനസംഖ്യയുടെ ഏകദേശം 23 ശതമാനമായിരുന്നു മുസ്ലീങ്ങൾ. 2026 ആകുമ്പോഴേക്കും ഈ വിഹിതം 30 ശതമാനത്തിലേക്ക് അടുക്കുകയോ അതിലധികമാകുകയോ ആണെന്ന് സമീപകാല കണക്കുകൾ സൂചിപ്പിക്കുന്നു. ഇത് മൂന്ന് പതിറ്റാണ്ടുകളായി ഏകദേശം 7 ശതമാനം വർദ്ധനവാണുള്ളത് .
ഈ ജനസംഖ്യാ മാറ്റത്തിന്റെ അടിസ്ഥാന കാരണങ്ങളെക്കുറിച്ച് ചോദ്യങ്ങളും ഇപ്പോൾ ഉയർന്നുവരുന്നു. അതിർത്തി കടന്നുള്ള കുടിയേറ്റം മുതൽ തിരഞ്ഞെടുപ്പ് രാഷ്ട്രീയം വരെ, ഇപ്പോൾ ചർച്ച ചെയ്യപ്പെടുന്നുണ്ട്. 1991 ൽ മുസ്ലിം ജനസംഖ്യ: 506,728 ആയിരുന്നു. ഹിന്ദു ജനസംഖ്യ: 1.62 ദശലക്ഷവുമായിരുന്നു. 2026 ൽ മുസ്ലിം ജനസംഖ്യ: 1 ദശലക്ഷത്തിലധികമായി , ഹിന്ദു ജനസംഖ്യ: 2.23 ദശലക്ഷവുമായി. ഇത് സൂചിപ്പിക്കുന്നത് മുസ്ലീം ജനസംഖ്യ ഏകദേശം 1.7 മടങ്ങ് വർദ്ധിച്ചു എന്നാണ്
അന്താരാഷ്ട്ര അതിർത്തിയോട് ചേർന്നുള്ള പ്രദേശങ്ങളിലാണ് ഉയർന്ന അനുപാതങ്ങൾ കാണപ്പെടുന്നത്. അതുകൊണ്ട് തന്നെ റോഹിംഗ്യൻ , ബംഗ്ലാദേശി കുടിയേറ്റമാണിതിന് കാരണമെന്നും സൂചനയുണ്ട്.
