കൊൽക്കത്ത : പശ്ചിമ ബംഗാൾ നിയമസഭാ തെരഞ്ഞെടുപ്പിന്റെ രണ്ടാം ഘട്ടം ഇന്ന് . 142 സീറ്റുകളിലേക്കാണ് വോട്ടെടുപ്പ് നടക്കുന്നത്. സംഘർഷങ്ങൾ ഒഴിവാക്കാൻ തിരഞ്ഞെടുപ്പ് കമ്മീഷൻ വൻ സുരക്ഷാ ക്രമീകരണങ്ങൾ ഒരുക്കിയിട്ടുണ്ട്.
ഏപ്രിൽ 23 ന് നടന്ന ആദ്യ ഘട്ടത്തിൽ 152 സീറ്റുകളിലേക്കുള്ള വോട്ടെടുപ്പാണ് നടന്നത് . രണ്ടാം ഘട്ടത്തിൽ ആകെ മൂന്നരകോടി വോട്ടർമാർ തങ്ങളുടെ സമ്മതിദാന അവകാശം വിനിയോഗിക്കും. പല ജില്ലകളിലും വോട്ടർ പട്ടികയിൽ നിന്ന് ധാരാളം പേരുകൾ ഇല്ലാതാക്കിയതിനാൽ പലയിടത്തും തർക്കങ്ങൾ ഉണ്ടായേക്കാമെന്നും ആശങ്കയുണ്ട്.
നോർത്ത് 24 പർഗാനയിൽ 12.5 ലക്ഷം വോട്ടുകളും, സൗത്ത് 24 പർഗാനയിൽ ഏകദേശം 11 ലക്ഷം വോട്ടുകളും , ഹൗറയിൽ 6 ലക്ഷവും, ഹൂഗ്ലിയിൽ 4.5 ലക്ഷവും, നാദിയയിൽ ഏകദേശം 4.85 ലക്ഷവും വോട്ടുകൾ കുറഞ്ഞു. നിലവിൽ കൊൽക്കത്തയിലെ ഭവാനിപൂർ സീറ്റാണ് ഏറ്റവും കൂടുതൽ ചർച്ച ചെയ്യപ്പെടുന്നത്. അവിടെ ടിഎംസി മേധാവിയും മുഖ്യമന്ത്രിയുമായ മമത ബാനർജിയും ബിജെപിയുടെ ശക്തനായ നേതാവ് സുവേന്ദു അധികാരിയുമാണ് ഏറ്റുമുട്ടുന്നത്.
സംസ്ഥാനത്തെ 7 ജില്ലകളിലായി നടക്കുന്ന വോട്ടെടുപ്പിനായി 3.5 ലക്ഷത്തിലധികം കേന്ദ്ര സേനാംഗങ്ങളെ വിന്യസിച്ചിട്ടുണ്ട്. ഇതിൽ സിആർപിഎഫ്, എസ്എസ്ബി, ആർപിഎഫ്, ഐടിബിപി, സിഐഎസ്എഫ് എന്നിവയിലെ ജവാന്മാരും ഉൾപ്പെടുന്നു. കൊൽക്കത്തയിൽ മാത്രം ഏകദേശം 35,000 ജവാന്മാരെ വിന്യസിച്ചിട്ടുണ്ട്. 2550 കമ്പനി പൊലീസാണ് സംസ്ഥാനത്തുടനീളം സുരക്ഷ കൈകാര്യം ചെയ്യുന്നു. തിരഞ്ഞെടുപ്പ് കമ്മീഷൻ 142 ജനറൽ നിരീക്ഷകരെയും 95 പോലീസ് നിരീക്ഷകരെയും നിയോഗിച്ചിട്ടുണ്ട്
മാത്രമല്ല ആദ്യമായി, ഇത്തവണ തിരഞ്ഞെടുപ്പിൽ ദേശീയ അന്വേഷണ ഏജൻസിയെയും (എൻഐഎ) വിന്യസിച്ചിട്ടുണ്ട്. കൊൽക്കത്തയിലെ സെൻട്രൽ കൺട്രോൾ റൂമിൽ നിന്നാണ് എൻഐഎ മുഴുവൻ തിരഞ്ഞെടുപ്പും നിരീക്ഷിക്കുക. ഇത് ഏഴ് ക്ലസ്റ്ററുകളായി തിരിച്ചിരിക്കുന്നു, ഓരോന്നിനും ഒരു നോഡൽ ഓഫീസറെ നിയോഗിച്ചിട്ടുണ്ട്.
പോളിംഗ് സ്റ്റേഷനുകൾ നിരീക്ഷിക്കാൻ സിസിടിവി ക്യാമറകളുണ്ട്. തത്സമയ വിവരങ്ങൾ നേരിട്ട് കൺട്രോൾ റൂമിലേക്ക് അയക്കും. സിഎപിഎഫ് കൺട്രോൾ റൂം സംസ്ഥാന, ജില്ലാ തല തിരഞ്ഞെടുപ്പ് ഉദ്യോഗസ്ഥരുമായി ബന്ധിപ്പിച്ചിരിക്കുന്നു. സുരക്ഷയ്ക്കായി 6,000-ത്തിലധികം “ദ്രുത പ്രതികരണ ടീമുകൾ” രൂപീകരിച്ചിട്ടുണ്ട്. സൈനിക വാഹനങ്ങൾ സെൻസിറ്റീവ് പ്രദേശങ്ങളിൽ നിരന്തരം പട്രോളിംഗ് നടത്തുന്നുണ്ട് .
