ഡബ്ലിൻ: അയർലന്റിൽ അടുത്ത വാരം ഉഷ്ണതരംഗത്തിന് സാദ്ധ്യതയുണ്ടെന്ന പ്രവചനം തിരുത്തി മെറ്റ് ഐറാൻ. അടുത്ത ആഴ്ചയും അയർലന്റിൽ മഴയും വെയിലും ഉള്ള അസ്ഥിരകാലാവസ്ഥ തുടരും. അതിനാൽ കൊടും ചൂടോ ഉഷ്ണതരംഗമോ ഉണ്ടാകാൻ സാദ്ധ്യതയില്ലെന്നാണ് മെറ്റ് ഐറാന്റെ പുതിയ പ്രവചനം.
അയർലന്റിൽ ഉയർന്ന മർദ്ദത്തിനുള്ള സാദ്ധ്യതയാണ് ഉള്ളത്. തെക്ക് ഭാഗത്ത് ആയിരിക്കും ഉയർന്ന മർദ്ദം ഉണ്ടാകുക. ഇതേസമയം വടക്ക് പടിഞ്ഞാറ് ഭാഗത്ത് ന്യൂനമർദ്ദം രൂപപ്പെടാം. അതുകൊണ്ട് തന്നെ അടുത്ത ആഴ്ച അന്തരീക്ഷ താപനില ശരാശരിയിൽ തുടരും. വടക്കൻ മേഖലയിൽ ശരാശരിയ്ക്ക് മുകളിലായി മഴ ലഭിക്കും.
Discussion about this post
