ഡബ്ലിൻ ; അധിനിവേശ പലസ്തീൻ പ്രദേശങ്ങളിൽ നിന്നുള്ള ചരക്കുകളുടെ വ്യാപാരം നിരോധിക്കുന്ന ബിൽ ഡെയ്ൽ പാസാക്കി. സേവനങ്ങൾ ഒഴിവാക്കുന്നത് പലസ്തീൻ ഭൂമിയിലെ അനധികൃത ഇസ്രായേലി കുടിയേറ്റങ്ങളെ ചെറുക്കാൻ പര്യാപ്തമല്ലെന്ന് പ്രതിപക്ഷം വാദിച്ചെങ്കിലും ബിൽ പാസാക്കി.
നിരോധനത്തിൽ സേവനങ്ങൾ ഉൾപ്പെടുത്തുന്നതിനുള്ള ഭേദഗതി ഉൾപ്പെടെ സർക്കാരിന്റെ ബില്ലിലെ നിരവധി ഭേദഗതികൾ വോട്ടിനിട്ട് തള്ളി. “ 2024 ജൂലൈ മുതൽ അന്താരാഷ്ട്ര നീതിന്യായ കോടതിയുടെ ഉപദേശക അഭിപ്രായത്തിൽ പറഞ്ഞിരിക്കുന്ന അന്താരാഷ്ട്ര ബാധ്യതകൾക്ക് അനുസൃതമായി, “ചില ഇസ്രായേലി കുടിയേറ്റങ്ങളിൽ” നിന്ന് സാധനങ്ങൾ ഇറക്കുമതി ചെയ്യുന്നത് സർക്കാരിന്റെ ബിൽ നിരോധിക്കുന്നു.“ – എന്നാണ് പ്രസ്താവനയിൽ വ്യക്തമാക്കുന്നത്.
സ്വതന്ത്ര സെനറ്റർ ഫ്രാൻസിസ് ബ്ലാക്കിന്റെ 2018 ലെ അധിനിവേശ പ്രദേശ ബില്ലിന് പകരമായാണ് ഇത് അവതരിപ്പിച്ചത്. ഇത് അധിനിവേശ പലസ്തീൻ പ്രദേശങ്ങളിലെ അനധികൃത ഇസ്രായേലി കുടിയേറ്റങ്ങളിൽ നിന്നുള്ള എല്ലാ വ്യാപാരവും നിരോധിക്കുന്നു.
അയർലൻഡിലെ പലസ്തീൻ അനുകൂല പ്രതിഷേധക്കാരുടെ ജനപ്രിയ ആവശ്യമായിരുന്ന ബ്ലാക്ക്സ് ബില്ലിന് പകരമായാണ് അധിനിവേശ പലസ്തീൻ പ്രദേശത്തെ ഇസ്രായേലി കുടിയേറ്റ ചരക്കുകളുടെ ഇറക്കുമതി നിരോധന ബിൽ അവതരിപ്പിച്ചത്.
