ആലപ്പുഴ: കായംകുളത്തെ തെരഞ്ഞെടുപ്പ് പരാജയത്തിൽ പരസ്യമായി അതൃപ്തി പ്രകടിപ്പിച്ച് എൽഡിഎഫ് സ്ഥാനാർത്ഥി യു പ്രതിഭ . കായംകുളത്ത് വെള്ളാപ്പള്ളി നടേശൻ തനിക്കെതിരെ പ്രവർത്തിച്ചെന്നും ഇത് വോട്ടുകളിൽ ഗണ്യമായ കുറവുണ്ടാക്കിയതായും അവർ ആരോപിച്ചു. പാർട്ടിയുടെ ശക്തികേന്ദ്രങ്ങളിൽ പോലും വോട്ട് വിഹിതം കുറഞ്ഞുവെന്നും പ്രതിഭ പറഞ്ഞു.
കായംകുളത്ത് മാത്രമല്ല, കേരളത്തിലുടനീളം സമാനമായ പാർട്ടി വിരുദ്ധ പ്രവർത്തനങ്ങൾ നടന്നു . വെള്ളാപ്പള്ളി എതിരെ നിന്ന് . ഇത് എസ്എൻഡിപി വോട്ടുകളിൽ ചോർച്ച ഉണ്ടായി.
പരമ്പരാഗതമായി ശക്തമായ പിന്തുണയുള്ള ബൂത്തുകളിൽ പോലും പാർട്ടിക്ക് അടിത്തറ നേടാൻ കഴിഞ്ഞില്ല . പത്തിയൂർ, ചെട്ടികുളങ്ങര പഞ്ചായത്തുകൾ പോലുള്ള പ്രദേശങ്ങളിൽ ഭൂരിപക്ഷത്തിലുണ്ടായ കുത്തനെയുള്ള ഇടിവ് അപ്രതീക്ഷിതമായിരുന്നു . മുൻ തിരഞ്ഞെടുപ്പുകളിലേതുപോലെ പാർട്ടി ഊർജ്ജസ്വലമായ പ്രചാരണം കാഴ്ചവച്ചതുമില്ല . രണ്ടുതവണ പ്രതിഭ വിജയിച്ച മണ്ഡലത്തിൽ ഇത്തവണ യുഡിഎഫ് സ്ഥാനാർത്ഥി എം ലിജു 15,572 വോട്ടുകളുടെ ഭൂരിപക്ഷത്തോടെ വിജയിച്ചു. 2021 ൽ 6,298 വോട്ടുകളുടെ ഭൂരിപക്ഷത്തിൽ വിജയിച്ച പ്രതിഭയുടെ വോട്ട് വിഹിതത്തിൽ ഈ തിരഞ്ഞെടുപ്പിൽ വലിയ ഇടിവ് രേഖപ്പെടുത്തി.
