തൃശൂർ : കുതിരാൻ തുരങ്കത്തിൽ ഉണ്ടായ മണ്ണിടിച്ചിൽ ഭീതി പടർത്തുന്നു. തുരങ്കത്തിന്റെ പ്രവേശന കവാടത്തിന് സമീപം രണ്ടിടങ്ങളിൽ മണ്ണിടിച്ചിലുണ്ടായതായി റിപ്പോർട്ടുണ്ട്. മണ്ണിടിച്ചിൽ നിസ്സാരമാണെങ്കിലും, പ്രദേശത്ത് തുടർച്ചയായി പെയ്യുന്ന മഴ ആശങ്ക ഉയർത്തിയിട്ടുണ്ട്. പ്രദേശത്ത് മരങ്ങളും അവശിഷ്ടങ്ങളും വീണിട്ടുണ്ട്. വിവരം ലഭിച്ചയുടൻ, ഹൈവേ കൺട്രോൾ റൂമിൽ നിന്നുള്ള പട്രോളിംഗ് സംഘം സ്ഥലത്തെത്തി പരിശോധന നടത്തി. മുൻ മന്ത്രിയും എംഎൽഎയുമായ കെ രാജനും ജില്ലാ കളക്ടറും സ്ഥലത്തെത്തി.
മുകൾ ഭാഗത്തായാണ് പീച്ചി വനമേഖല. ജലചാലുകളോ വെള്ളക്കെട്ടുകളോ ഉണ്ടോന്ന് പരിശോധിക്കാൻ വിദഗ്ധർ പ്രദേശം പരിശോധിക്കും. കൂടുതൽ വിശദമായ പരിശോധനയ്ക്കായി ദേശീയ പാത വിദഗ്ധരും സ്ഥലത്തെത്തുമെന്ന് പ്രതീക്ഷിക്കുന്നു. മണ്ണിടിച്ചിലിനെയും കനത്ത മഴയെയും തുടർന്ന് തുരങ്കം അടയ്ക്കുമോ എന്ന് ഇതുവരെ വ്യക്തമായിട്ടില്ല.
നിലവിൽ പരിഭ്രാന്തരാകേണ്ട ആവശ്യമില്ലെന്ന് അധികൃതർ അറിയിച്ചു. പാലക്കാട്, തൃശൂർ ജില്ലകളെ ബന്ധിപ്പിക്കുന്ന പ്രധാന പാതയാണ് കുതിരാൻ തുരങ്കം. ദിവസവും ആയിരക്കണക്കിന് വാഹനങ്ങൾ ഇതുവഴി കടന്നുപോകുന്നു. തുരങ്കം അടയ്ക്കേണ്ടി വന്നാൽ, പ്രദേശത്തെ ജനങ്ങളുടെ ദൈനംദിന ജീവിതത്തെ അത് ഗുരുതരമായി ബാധിക്കും.
