കണ്ണൂർ ; ഇന്ദിരാഗാന്ധി നാഷണൽ ഓപ്പൺ യൂണിവേഴ്സിറ്റി (ഇഗ്നോ) വരാനിരിക്കുന്ന ടേം-എൻഡ് പരീക്ഷാ കേന്ദ്രമായി കണ്ണൂർ സെൻട്രൽ ജയിൽ. ജില്ലയിലെ ആറ് പരീക്ഷാ കേന്ദ്രങ്ങളിൽ ഒന്നായാണ് കണ്ണൂർ സെൻട്രൽ ജയിലിനെ തെറ്റായി രേഖപ്പെടുത്തിയത്.
ചില ഉദ്യോഗാർത്ഥികൾ ജൂൺ 2 മുതൽ ആരംഭിക്കുന്ന പരീക്ഷകൾക്ക് എത്താൽ ജയിൽ ഗേറ്റുകൾ തുറക്കുമോ എന്ന് അറിയാൻ ജയിലിൽ വിളിച്ചപ്പോഴാണ് വിവരം പുറത്തുവന്നത്. അതേസമയം “പരീക്ഷാ കേന്ദ്രം മാറ്റുന്നതിനുള്ള ഒരു അഭ്യർത്ഥനയും ഒരു സാഹചര്യത്തിലും സ്വീകരിക്കില്ല” എന്ന് ഇഗ്നോ പരീക്ഷാ ഫോമിൽ വ്യക്തമായി പറഞ്ഞിട്ടുമുണ്ട്.
ഇഗ്നോയുടെ പരീക്ഷാ കേന്ദ്രം മാറ്റാൻ പോർട്ടലിന് ഓപ്ഷൻ ഇല്ലാത്തതിനാലും ജയിൽ അധികൃതർ ഇത് പരീക്ഷാ കേന്ദ്രമല്ലെന്ന് പറഞ്ഞതിനാലും ഞങ്ങൾ ഒരു പ്രതിസന്ധിയിലാണ്,” ജയിൽ പരീക്ഷാ വേദിയായി ലഭിച്ച മൂന്നാം സെമസ്റ്റർ എംബിഎ വിദ്യാർത്ഥിനി പറഞ്ഞു.
തോട്ടടയിലെ ശ്രീനാരായണ കോളേജ്, വീർപ്പാട് ശ്രീനാരായണ ഗുരു കോളേജ് , ഇരിക്കൂർ റോഡിലെ നായാട്ടുപാറയിലെ കോൺകോർഡ് ആർട്സ് ആൻഡ് സയൻസ് കോളേജ് , ആലക്കോട് മേരി മാതാ ആർട്സ് ആൻഡ് സയൻസ് കോളേജ്, തളിപ്പറമ്പിലെ എംഎം നോളജ് ആർട്സ് ആൻഡ് സയൻസ് കോളേജ് എന്നിവയാണ് മറ്റ് കേന്ദ്രങ്ങൾ . “ഡിസംബറിൽ, ഞാൻ കുത്തുപറമ്പിലെ നിർമ്മലഗിരി കോളേജിൽ എന്റെ രണ്ടാം സെമസ്റ്റർ പരീക്ഷകൾ എഴുതി. ഇത്തവണ അത് ലിസ്റ്റ് ചെയ്തിട്ടില്ല,” വിദ്യാർത്ഥികളിലൊരാൾ പറഞ്ഞു.
ഇഗ്നോ ജയിലുകളിൽ പരീക്ഷകൾ നടത്താറുണ്ട് . എന്നാൽ അത് തടവുകാർക്ക് മാത്രമാണ്. മറ്റുള്ളവർക്ക് ജയിൽ പരീക്ഷാ സെന്ററായി നൽകാറുമില്ല. എന്നാൽ പിശക് ഇഗ്നോയുടെ ശ്രദ്ധയിൽപ്പെടുത്തിയിട്ടും, കണ്ണൂർ ജയിലിനെ പരീക്ഷാ കേന്ദ്രമെന്നതിൽ നിന്ന് ഇതുവരെ നീക്കം ചെയ്തിട്ടില്ല.
