ന്യൂഡൽഹി : ലോട്ടറിക്ക് സേവന നികുതി ചുമത്താൻ കേന്ദ്രസർക്കാരിന് അധികാരമില്ലെന്ന് സുപ്രീം കോടതി. ലോട്ടറി വിതരണക്കാരിൽ നിന്നും നികുതി ചുമത്താനുള്ള അധികാരം സംസ്ഥാന സർക്കാരിന് മാത്രമാണെന്നും കേന്ദ്രസർക്കാരിന് ഇടപെടാൻ അധികാരം ഇല്ലെന്നും കോടതി വ്യക്തമാക്കി . ലോട്ടറി വിതരണക്കാരുടെ സേവനനികുതി കേന്ദ്രസർക്കാരിന് കീഴിൽ കൊണ്ടുവരണമെന്ന കേന്ദ്രത്തിന്റെ ഹർജി തള്ളി കൊണ്ടാണ് സുപ്രീം കോടതിയുടെ നിർണ്ണായക വിധി.
ലോട്ടറി ടിക്കറ്റുകളുടെ വിൽപ്പന ഒരു സേവനം അല്ലെന്നും അതേസമയം അത് സംസ്ഥാനത്തിന് വരുമാനം നേടാനുള്ള മാർഗം ആണെന്നും കോടതി ചൂണ്ടിക്കാട്ടി.
ജസ്റ്റിസുമാരായ ബി വി നാഗരത്ന, എൻ കെ സിംഗ് എന്നിവരടങ്ങിയ ബെഞ്ചാണ് കേന്ദ്രത്തിന്റെ ഹർജി തള്ളിയത്. ലോട്ടറി നികുതി സംസ്ഥാന സർക്കാരിന്റെ പരിധിയിലാണ് വരേണ്ടത് എന്ന സിക്കിം ഹൈക്കോടതിയുടെ തീരുമാനം സുപ്രീം കോടതി ശരിവെച്ചു.
Discussion about this post
