ഡബ്ലിൻ ; മൊണാഗനിലെ കാരിക്മാക്രോസിൽ കാറിൽ നിന്ന് ബോംബ് കണ്ടെത്തിയ കേസിൽ കുറ്റാരോപിതയായ 25 വയസ്സുകാരിയെ വീണ്ടും കസ്റ്റഡിയിൽ വിട്ടു.
കിൽഡെയറിലെ ക്ലേനിലെ ആബിലാൻഡ്സ് പാർക്കിൽ താമസിക്കുന്ന ഇസോബെല്ല പെറി സള്ളിവനെയാണ് കസ്റ്റഡിയിൽ വിട്ടത്. ഇന്ന് രാവിലെ ഡോച്ചാസ് സെന്ററിൽ നിന്ന് വീഡിയോ ലിങ്ക് വഴിയാണ് മൊണാഗൻ ജില്ലാ കോടതിയിൽ ഹാജരായത്.
സ്ഫോടകവസ്തുക്കൾ കൈവശം വച്ചതിനാണ് അവർക്കെതിരെ കേസെടുത്തത്. കഴിഞ്ഞ വെള്ളിയാഴ്ച, ട്രിം ജില്ലാ കോടതിയുടെ പ്രത്യേക സിറ്റിങ്ങിൽ ഹാജരായ ഇസോബെല്ലയ്ക്ക് 15,000 യൂറോയുടെ സ്വതന്ത്ര ജാമ്യം നേടണമെന്നതുൾപ്പെടെ നിരവധി വ്യവസ്ഥകളോടെ ജാമ്യം ലഭിച്ചിരുന്നു .
ഇസോബെല്ല പെറി സള്ളിവന്റെ സോളിസിറ്റർ ഇന്ന് കോടതിയിൽ ഇല്ലെന്നും ജാമ്യത്തിന് സമ്മതത്തോടെ ഓഗസ്റ്റ് 7 ന് മോണഗൻ ജില്ലാ കോടതിയിൽ വീണ്ടും ഹാജരാകാൻ ഇസോബെല്ലയെ കസ്റ്റഡിയിൽ വിട്ടുവെന്നും ജഡ്ജി റെയ്മണ്ട് ഫിന്നെഗൻ പറഞ്ഞു. ജാമ്യം അനുവദിക്കാൻ ഇന്ന് തന്റെ പക്കൽ അപേക്ഷ ലഭിച്ചില്ലെന്നും ഫിന്നെഗൻ പറഞ്ഞു.
