ഡബ്ലിൻ: അയർലൻഡിൽ വിൽപ്പന നടത്തിയ ടിവികൾ തിരിച്ചുവിളിച്ചു. അയർലൻഡ് കോമ്പറ്റീഷൻ ആൻഡ് കൺസ്യൂമർ പ്രൊട്ടക്ഷൻ കമ്മീഷന്റേതാണ് (സിസിപിസി) നടപടി. പ്രമുഖ കമ്പനികളുടെ ടിവികളാണ് തിരിച്ചുവിളിച്ചിരിക്കുന്നത്.
തീപിടിത്ത സാധ്യത കണ്ടെത്തിയതിനെ തുടർന്നാണ് നടപടി. ആറായിരം ടിവികൾ തിരിച്ചുവിളിച്ചവയിൽ ഉൾപ്പെടുന്നു. കഴിഞ്ഞ വർഷം ഒക്ടോബറിനും ഈ വർഷ ഏപ്രിലിനും ഇടയിൽ വിറ്റ് പോയ ടിവികളിലാണ് തകരാർ കണ്ടെത്തിയിരിക്കുന്നത്. തോഷിബ, ടെക്‌നിക്ക, വാക്കർ എന്നിവയുടെ മോഡലുകളാണ് തിരിച്ചുവിളിച്ചത്. മൂന്ന് മോഡലുകളും ഒരേ ഫാക്ടറിയിൽ നിന്നും നിർമ്മിക്കപ്പെട്ടവയാണ്. നോർമെൻഡേ കമ്പനികളുടെ 189 ടിവികൾ സമാന പ്രശ്‌നത്തെ തുടർന്ന് തിരിച്ചുവിളിച്ചിട്ടുണ്ട്.
Discussion about this post
