ഡബ്ലിൻ: അയർലന്റിലെ ആശുപത്രികളിൽ കിടക്ക ക്ഷാമം അയവില്ലാതെ തുടരുന്നു. ഇന്ന് രാവിലെവരെയുള്ള കണക്കുകൾ പ്രകാരം 342 രോഗികളാണ് കിടക്കകൾക്കായി കാത്തിരിക്കുന്നത്. ഇവർക്ക് ട്രോളികളിൽ ചികിത്സ നൽകുന്നുണ്ട്.
ഐറിഷ് നഴ്സസ് ആന്റ് മിഡ്വൈവ്സ് ഓർഗനൈസേഷനാണ് (ഐഎൻഎംഒ) ഇതുമായി ബന്ധപ്പെട്ട കണക്കുകൾ പുറത്തുവിട്ടത്. യൂണിവേഴ്സിറ്റി ഹോസ്പിറ്റൽ ലിമെറിക്കിലാണ് ഏറ്റവും കൂടുതൽ രോഗികൾക്ക് കിടക്കകൾ ആവശ്യമായുള്ളതെന്ന് ഐഎൻഎംഒ അറിയിച്ചു. ഇവിടെ 67 പേരാണ് കിടക്കകൾക്കായി കാത്തിരിക്കുന്നത്. യൂണിവേഴ്സിറ്റി ഹോസ്പിറ്റൽ ഗാൽവെയിൽ 51 പേരും സ്ലിഗോ യൂണിവേഴ്സിറ്റി ആശുപത്രിയിൽ 29 പേരും കിടക്കകൾ ഇല്ലാതെ ബുദ്ധിമുട്ട് നേരിടുന്നുണ്ട്.
Discussion about this post
