സോഷ്യൽ മീഡിയയുടെ ഈ കാലത്ത്, ഒറ്റരാത്രികൊണ്ട് എവിടെയിരിക്കുന്ന ഏതൊരാളും നേരം പുലരുംമുമ്പ് താരമാകുന്നു. ഒരുപാട് ജീവിതങ്ങൾ മാറും. ഇപ്പോഴിതാ മഹാകുംഭത്തിൽ രുദ്രാക്ഷ മാലകൾ വിൽക്കുന്ന നക്ഷത്രക്കണ്ണുള്ള സുന്ദരിയെ തേടി ബോളിവുഡിൽ നിന്ന് ഓഫർ എത്തിയിരിക്കുന്നു.
മഹാകുംഭമേളയിൽ മാലകൾ വിൽക്കുന്ന യുവതിയുടെ ചിത്രം സോഷ്യൽ മീഡിയയിൽ വൈറലായിരുന്നു.യുവതിയെ മൊണാലിസയുമായി താരതമ്യം ചെയ്താണ് കമന്റുകൾ വന്നത്. ഇന്ത്യയുടെ മൊണാലിസ എന്ന പേരിലാണ് ഈ സുന്ദരി സോഷ്യൽ മീഡിയയിൽ പ്രശസ്തയായത്.
ബോളിവുഡ് സംവിധായകൻ സനോജ് മിശ്രയാണ് തൻ്റെ സിനിമയിലേയ്ക്ക് പെൺകുട്ടിയെ ക്ഷണിച്ചിരിക്കുന്നത്. ‘ഡയറി ഓഫ് മണിപ്പൂർ’ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് സനോജ് മിശ്രയാണ്, അതിൽ നായികയാക്കാനാണ് സനോജ് പെൺകുട്ടിയെ വിളിച്ചിരിക്കുന്നത്. ഇതിനായി മൊണാലിസ ലുക്ക് ടെസ്റ്റും നടത്തിയിട്ടുണ്ട്. വൈറലായ യുവതിയെ മേക്ക് ഓവർ നടത്തിയ വീഡിയോയും ഇപ്പോൾ വൈറലായിരിക്കുകയാണ്. ഇതിന് പുറമെ അഭിനയ പരിശീലനവും നൽകുന്നുണ്ട്.
