തിരുവനന്തപുരം: പ്രധാനമന്ത്രി നരേന്ദ്ര മോദി തിരുവനന്തപുരത്തേയ്ക്ക് . കോർപ്പറേഷനിൽ ബിജെപി അധികാരം നേടിയതിന് പിന്നാലെയാണിത് . ബിജെപി അധ്യക്ഷൻ രാജീവ് ചന്ദ്രശേഖറിനെ ഇക്കാര്യം അറിയിച്ചതായി റിപ്പോർട്ടുണ്ട്. അദ്ദേഹത്തെ ഫോണിൽ വിളിച്ച പ്രധാനമന്ത്രി തിരഞ്ഞെടുപ്പ് വിജയത്തിൽ അഭിനന്ദിക്കുകയും ചെയ്തു . നരേന്ദ്ര മോദി എപ്പോൾ തിരുവനന്തപുരത്ത് എത്തുമെന്ന് തീരുമാനിച്ചിട്ടില്ല.
കോർപ്പറേഷനിൽ ബിജെപിക്ക് ഭൂരിപക്ഷം നൽകിയതിന് തിരുവനന്തപുരത്തോട് പ്രധാനമന്ത്രി നരേന്ദ്ര മോദി നന്ദി പറഞ്ഞിരുന്നു. തിരുവനന്തപുരം കോർപ്പറേഷനിൽ ബിജെപി-എൻഡിഎയ്ക്ക് ലഭിച്ച ജനവിധി കേരള രാഷ്ട്രീയത്തിലെ നിർണായക നിമിഷമാണെന്ന് പ്രധാനമന്ത്രി പറഞ്ഞു.
“സംസ്ഥാനത്തിന്റെ വികസന അഭിലാഷങ്ങൾ നിറവേറ്റാൻ ഞങ്ങളുടെ പാർട്ടിക്ക് മാത്രമേ കഴിയൂ എന്ന് ജനങ്ങൾക്ക് ഉറപ്പുണ്ട്. ഈ ഊർജ്ജസ്വലമായ നഗരത്തിന്റെ വളർച്ചയ്ക്കായി ഞങ്ങളുടെ പാർട്ടി പ്രവർത്തിക്കുകയും ജനങ്ങളുടെ മെച്ചപ്പെടുത്തുകയും ചെയ്യും,” പ്രധാനമന്ത്രി പറഞ്ഞു . തലസ്ഥാനത്ത് എത്തുമ്പോൾ പ്രധാനമന്ത്രി നരേന്ദ്ര മോദിയെ സ്വീകരിക്കാൻ തിരുവനന്തപുരത്തെ ബിജെപി മേയർ ഉണ്ടാകുമെന്ന് രാജീവ് ചന്ദ്രശേഖർ കഴിഞ്ഞ ദിവസം പറഞ്ഞിരുന്നു. “തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ ബിജെപി വലിയ മുന്നേറ്റം നടത്തി. തിരുവനന്തപുരത്ത് ഞങ്ങൾ മാറ്റം കൊണ്ടുവന്നു. ഇപ്പോൾ, നിയമസഭാ തിരഞ്ഞെടുപ്പിലും ആളുകൾ മാറ്റം ആവശ്യപ്പെടുന്നു. അതിനായി ഞങ്ങൾ പ്രവർത്തിക്കും,” രാജീവ് ചന്ദ്രശേഖർ പറഞ്ഞു.
