അമേരിക്കൻ ഫെഡറൽ ബ്യൂറോ ഓഫ് ഇൻവെസ്റ്റിഗേഷന്റെ (എഫ്‌ബി‌ഐ) പുതിയ ഡയറക്ടറായി ഇന്ത്യൻ വംശജനായ കശ്യപ് പട്ടേൽ ചുമതലയേറ്റു. വെള്ളിയാഴ്ച ഭഗവദ്ഗീതയിൽ തൊട്ടായിരുന്നു സത്യപ്രതിജ്ഞ .
വാഷിംഗ്ടൺ ഡിസിയിലെ ഐസൻ‌ഹോവർ എക്‌സിക്യൂട്ടീവ് ഓഫീസ് കെട്ടിടത്തിലായിരുന്നു ചടങ്ങുകൾ . എഫ്‌ബി‌ഐയുടെ ഒമ്പതാമത്തെ ഡയറക്ടറാണ് കശ്യപ് പട്ടേൽ . അദ്ദേഹത്തിന്റെ കുടുംബവും സുഹൃത്തുക്കളും
1985 ൽ ന്യൂയോർക്കിലാണ് കശ്യപ് പട്ടേൽ ജനിച്ചത് . ഈസ്റ്റ് ആഫ്രിക്കയിൽ നിന്ന് അമേരിക്കയിലേയ്ക്ക് കുടിയേറിയ ഇന്ത്യൻ വംശജരാണ് കശ്യപിന്റെ മാതാപിതാക്കൾ . ഗുജറാത്തിലെ വഡോദരയിലാണ് കുടുംബത്തിന്റെ വേരുകൾ . റിച്ച്മോണ്ട്സർവകലാശാലയിൽ നിന്ന് നിയമബിരുദം നേടിയ കശ്യപ് മയാമിയിൽ വക്കീലായി ഔദ്യോഗിക ജീവിതം ആരംഭിച്ചു.
കൊലപാതകം , മയക്കുമരുന്ന്, സാമ്പത്തിക തട്ടിപ്പുകൾ അങ്ങനെ നിരവധി കേസുകൾ അദ്ദേഹം കൈകാര്യം ചെയ്തു.പിന്നീട് നീതിന്യായ വകുപ്പിൽ തീവ്രവാദ പ്രോസിക്യൂട്ടറായി ചുമതലയേറ്റു.അമേരിക്കൻ പ്രതിരോധ വകുപിന്റെ റിപ്പോർട്ട് പ്രകാരം അൽ ഖ്വയ്ദ, ഇസ്ലാമി സ്റ്റേറ്റ് തുടങ്ങിയവയിലെ ഭീകരരെ തുറങ്കിലടക്കുന്നതിൽ കശ്യപിന്റെ സാമർത്ഥ്യം പ്രകടമായി. ഭീകരവിരുദ്ധ നീക്കങ്ങൾ നയിച്ച ജോയിന്റ് സ്പെഷ്യൽ ഓപ്പറേഷൻസ് കമ്മാൻഡിൽ ലെയ്സൺ ഓഫീസറായും അദ്ദേഹം പ്രവർത്തിച്ചിരുന്നു.
നാഷണൽ ഇന്റലിജൻസ് ആക്ടിംഗ് ഡയറക്ടറിടെ പ്രിൻസിപ്പൽ ഡെപ്യുട്ടിയായി പ്രവർത്തിക്കവേ 17 ഓളം രഹസ്യാന്വേഷണ ഏജൻസികൾക്ക് അദ്ദേഹം മേൽനോട്ടം വഹിച്ചു .നാഷണൽ ഇൻ്റിജൻസ് ആക്ടിംഗ് ഡയറക്ടറുടെ പ്രിൻസിപ്പൽ ഡെപ്യൂട്ടിയായി പ്രവർത്തിച്ചപ്പോൾ 17 ഓളം രഹസ്യാന്വേഷണ ഏജൻസികളുടെ പ്രവർത്തനങ്ങൾക്ക് അദ്ദേഹം മേൽനോട്ടം വഹിച്ചിരുന്നു. താൻ ഇന്ത്യൻ വംശജനാണെന്ന് പറയുന്ന കശ്യപ് ഉന്നതപദവിയിലെത്തുന്നത് ഇന്ത്യയെ സംബന്ധിച്ച് ഏറെ അഭിമാനകരമാണ്.
