വാഷിംഗ്ടൺ : പ്രസിഡന്റ് ഡൊണാൾഡ് ട്രംപ് ചുമത്തിയ മിക്ക താരിഫുകളും “നിയമവിരുദ്ധമാണ്” എന്ന് യുഎസ് അപ്പീൽ കോടതി . ട്രംപിന്റെ മിക്ക താരിഫുകളും നിയമവിരുദ്ധമാണെന്നും പ്രസിഡന്റിന്റെ സിഗ്നേച്ചർ സാമ്പത്തിക ഉപകരണങ്ങളിലൊന്നിന് വലിയ പ്രഹരമേൽപ്പിക്കുമെന്നും കോടതി വ്യക്തമാക്കി. അതേസമയം വിധി പ്രസ്താവന തൽക്കാലം നിർത്തിവച്ചു.
എന്നാൽ കോടതിയുടെ നിലപാട് ട്രംപിനെ പ്രകോപിപ്പിച്ചു, കോടതിയുടെ നിരീക്ഷണം തെറ്റാണെന്നും , താരിഫുകൾ നിലവിലുണ്ടെന്നുമാണ് ട്രമ്പ് പറയുന്നത് . ‘ ഇന്ന് ഒരു ഹൈലി പാർട്ടിസൻ അപ്പീൽ കോടതി നമ്മുടെ താരിഫുകൾ നീക്കം ചെയ്യണമെന്ന് തെറ്റായി പറഞ്ഞു, പക്ഷേ ഒടുവിൽ യുണൈറ്റഡ് സ്റ്റേറ്റ്സ് ഓഫ് അമേരിക്ക വിജയിക്കുമെന്ന് അവർക്ക് അറിയാം ‘ ട്രംപ് സോഷ്യൽ മീഡിയയിൽ കുറിച്ചു.
ഈ താരിഫുകൾ എപ്പോഴെങ്കിലും ഇല്ലാതായാൽ, അത് രാജ്യത്തിന് പൂർണ്ണമായ ഒരു ദുരന്തമായിരിക്കും,. ഇത് നമ്മെ സാമ്പത്തികമായി ദുർബലരാക്കും, നമ്മൾ ശക്തരായിരിക്കണം.”- എന്നും ട്രമ്പ് പറഞ്ഞു.വ്യാപാര കമ്മികളും വിദേശ വ്യാപാര തടസ്സങ്ങളും നേരിടാനുള്ള ഏറ്റവും നല്ല മാർഗം താരിഫുകൾ തുടരുന്നതാണെന്നും അദ്ദേഹം വാദിച്ചു. “നമ്മുടെ നിർമ്മാതാക്കളെയും കർഷകരെയും മറ്റെല്ലാവരെയും ദുർബലപ്പെടുത്തുന്ന വലിയ വ്യാപാര കമ്മികളും അന്യായമായ താരിഫുകളും മറ്റ് രാജ്യങ്ങൾ, സുഹൃത്തോ ശത്രുവോ, ചുമത്തുന്ന താരിഫ് ഇതര വ്യാപാര തടസ്സങ്ങളും യുഎസ്എ ഇനി സഹിക്കില്ല,” അദ്ദേഹം പറഞ്ഞു.
കോടതി വിധി ശരിവച്ചാൽ ഗുരുതരമായ പ്രത്യാഘാതങ്ങൾ ഉണ്ടാകുമെന്നും പ്രസിഡന്റ് മുന്നറിയിപ്പ് നൽകി. “ഇത് നിലനിൽക്കാൻ അനുവദിച്ചാൽ, ഈ തീരുമാനം അമേരിക്കൻ ഐക്യനാടുകളെ അക്ഷരാർത്ഥത്തിൽ നശിപ്പിക്കും,ഈ തൊഴിലാളി ദിന വാരാന്ത്യത്തിന്റെ തുടക്കത്തിൽ, നമ്മുടെ തൊഴിലാളികളെ സഹായിക്കുന്നതിനും മികച്ച അമേരിക്കൻ നിർമ്മിത ഉൽപ്പന്നങ്ങൾ നിർമ്മിക്കുന്ന കമ്പനികളെ പിന്തുണയ്ക്കുന്നതിനുമുള്ള ഏറ്റവും മികച്ച ഉപകരണമാണ് താരിഫ്സ് എന്ന് നാമെല്ലാവരും ഓർമ്മിക്കണം.” എന്നും ട്രമ്പ് പറഞ്ഞു.
എന്നാൽ പ്രഖ്യാപിത ദേശീയ അടിയന്തരാവസ്ഥയിൽ പ്രസിഡന്റിന് വിശാലമായ അധികാരങ്ങളുണ്ടെങ്കിലും, ആ അധികാരങ്ങളിൽ താരിഫുകൾ ചുമത്തുന്നതോ സമാനമായ നികുതികളോ വ്യക്തമായി ഉൾപ്പെടുന്നില്ലെന്നാണ് കോടതിയുടെ നിഗമനം .
